Challenge-Lauf die Zweite

Die Mitarbeiter de Hofbischô Gemei,

woarn au des Joahr wir beim Challenge Lauf

von de Rhön-Energie debei.

Dôs es e fei Sach un goar net schlömm,

mô dôt ebbes Goodes, konn sich öngerhall

un dabbt e wäng in Foll zosômme röm.

Mit ônserm Chef, dô hommô jo au wellich Glöck,

der hott sich net loss lomp

un mir konnte mit nagelneue T-Shirts uisgeröck!

Ônser Motto hotte mô au gleich uisgemacht:

mir laufe für ônser Freibod, dôs hôt für korzem neu uffgemacht.

Dôs woar au schô fröher, des schönst Bôd in de Rhö,

ewwer jetzt konn mô dô klimaneutral geschwömm, dôs es för ônser Klima schö!

Mit sämtlichste Schwömmartikel uisgerüst,

senn mir good gelaunt noch Foll gedüst.

Ollmenannô hotte mô de gleiche Socke ôgeströppt

un senn geschmeidich öber die Startlinie gehöppt.

Es hätt net schönner könnt gesei:

mit nette Lüüt, Sonn un Mussik, laufe de Bei von ganz allei.

Ôls mir noch 6 Kilometer im Ziel senn ôgekomme,

dô koom gleich en Kuiz von de Rhön-Energie ôgeronne.

Mir mösste ôns sofort bei de Bühne postionier,

do stöhn ôns e Überraschung befür!

Mir woarn jô noch net emô rechdich ôgekomme,

hotte für ollem au noch goar nüscht zo ôns genomme!

So hônn mir gewoart mit Hônger un Dôrscht,

uis de Ferne gesär, bes uff´m Grill knapp wurd mit de Worscht!

Doch plötzlich hommô ônsern Noome gehürt,

un stellt euch emô für: Mir honn en Preis für ônser Outfit kassiert!

Jetzt konnte mô gefeier, dôs konnt ihr mir glei

un Hônger un Dorscht woarn au vorbei.

Nur mit goode Kolleche konn mô so ebbes schaff,

däne dôs nüscht uismacht, bann de sich emô mache zum Aff´!

Ônsern Motto-Spruch:

Heute laufen, morgen schwimmen,

klimaneutral werden wir gewinnen,

der wurd wellich woar,

mô sär bos gitt im nächste Joahr!