Es gedd witschda mim ALDI E.V.

Ma hon e neier Vorstond unn 2024 gebts willa e Maskeball

Ihr Lied, wie na wisse, isch jo so e Aldi kenn junges Ding me. E Aldi werd awa ah immer älder unn wie das so isch, im Alda konn ma nimme so wie friah. Do dud jo enemm es krizz schon beim Bodem budze weh. Unn weil das so isch, willle unn kinne ma nimme so e Maskeball unn das onna Zeich organisiere.

Im Dorf had ma das jo a schunn gehärdt. Ah es Klemmi. Das hat uns all dann mol uff e Tass Kaffee unn e Stick Kuche ingelad. Es Heddi, es Marliese unn das dabich Gredel ware ah noch kumm. Jo, de Kuche had nit geschmeckt. Denne hads zu long im Ofe gehad. Awwa die junge Aldis honn sich ongebod denne Job zu übernemme. Das fande ma gudd unn hann prombt e Termin für Neuwahle vom Vorstond gemach.

Für denne Termin hat das dabich Gredel noch e wunnabarie Kässchmeer gemach gehad. Die wahle ware also e voller erfolg unn ma kinne och verkünde, dass die Sach do mit dem Aldi E.V. weider gedd…..also kinne na och schone mol notiere dass ma willa e Maskeball fa Groß und Klän honn. Es gibt a willa e Band die do spiele dud.

A das mit dem Weihnachtsbom werre ma nochemol mache. Der grid awa e neier Platz. Lasse euch üwerrasche.

Bis dohin schun mol e grusslisch scheene Zitt.