Schützengilde 1539 Twiste e. V.
Dem König auf der Spur
Staffel II. – Ein Epos aus dem Twister Adel.....
Unter dieser Rubrik werdet Ihr, liebe Twister, bis zum Freischießen die neuesten Neuigkeiten, Halbwahrheiten und Geschwätz zum Hauptthema des Freischießens lesen -
die Miele-Tante und der Fritze-Vedder unterhalten sich auf Twister Platt über ihre letzten Erkenntnisse und frisch gehörtes. Wer dieser Sprache nicht mächtig ist, sollte sich eine alte Tante, einen Opa, einen niederländischen Freund oder ein Wörterbuch (jaaaa, das gibt’s!) suchen. Mit einem bisschen guten Willen und viel Phantasie versteht sich dann alles wie von selbst! Und wer mal was falsch versteht, kann es gerne noch falscher weitererzählen.....
Und wer die Unterhaltung wirklich gar nicht versteht, der ist bestimmt so jung, dass er sich mit dieser ganzen Internet-Geschichte auskennt. Der sollte dann mal auf der Homepage der Schützengilde Twiste (www.schuetzengilde-twiste.de) nachschauen, da ist jede Woche die Übersetzung der neuesten Unterhaltung zu finden.
Miele-Tante: Fritze-Vedder, wij schköön dat ick dick moh widder up der Strohte driäppe. Bo leepest dou dann olszous gümmer rümme?
Fritze-Vedder: Ick kreise olz dür´t Durp un versööke, wuot nigges router te krijgene.
Miele-Tante: Ick habbe äbber wuot! Ick wohr obends ungerwägens -
Fritze-Vedder: wij so oft –
Miele-Tante: un dann hadde ick fürhär schkon geliäst, in der Mehrzweckhalle gäbet Schteppen-Erotik, un dann woll ick dochemo witten, mit wat für Schteppdecken de doh Erotik maaket. Un dann sij ick sachte in de Halle geschlicken, un doh habbe ick lauter Wijbeslöüde gesehen, de hüppeden do up so kleenen Bänkelkes rümme. So wilke wij mijne Oma eent für irrem Siättele stohn hadde un gümmer de Fööte drupsatte. Un in der Hand hadden de Damen nach sülke schwooren Knuocken, so Hantelen. Dohmidde öübet de schkon fürr Frijschkeeten, dat se widder in de Kleedere passet un dat de Üöbberarme nit middewinket.
Fritze-Vedder: Hiäste dann von diänn Fruggen auck wilke erkannt?
Miele-Tante: Näh, nit so richtich, dat wohr je en bitzken wijt wäch un de hadden auck olle so raude Köppe. Bloß dat ganz vürne, dat hädde dat Griesels Pia outem Hingele sijn können. Und doh habbe ick mij gedacht, et könnte je gutt sijn dat de Heiko Künnich wären söll!
Fritze-Vedder: Jo, dat könnte wuoll sijn. Irsmo is de en stattlicken jungen Kärl. Dann hiätt he auck en grauten Platz uppem Huoff, do kann me gutt anträden un sogar diänn Festzuch wengen.
Miele-Tante: Un Fickelen hatt se auck genoch im Stalle, datt de ganze Gesellschaft gutt saat währt! Me mott je auck moh richtich an der Specksijde rungerschnijden können – nit dat me so ohlijbich uppem Platze stäiht un balle ümmekippet fürr Schmacht.....
Fritze-Vedder: Dann will ick ick äbber auck moh nachts so rümmeschlijken un speckeleeren. Doh fällt mij grade doch nach wuott in:-
Boh ick getz moh obends von hingene an der Halle fürbij gekummen sij, doh wohr so´n grautet Spektakel doh drinne un et dampede un ruock wij in enner Hexenkücke. Doh wohren de Junges un Mäkes von düsser Truppe mit diänn langen Bauhnenstangen – un de hat Schnaps gebrugget – hiätt geruocken wij wann doh wuot angebrannt wöhr, äbber se haddet trotzdiämm genummen.
Miele-Tante: Wat willt de dann mit so vill Schnaps? Wenn se diänn drinket währt se äbber nit dünne, bloß dicke, un dann platzet eher de Büxe! Dat Tüüch maaket se bestimmt bloß fürr de Fööte interijbene wägen diänn Blosen un diänn Hönderaugen vom marschkeeren.
Fritze-Vedder: Bohrümme? Hatt de dann auck nen Franz für´en Branntwijn derbij? Oder ne Klosterfrau?
Miele-Tante: Befürr mijne Fööte getz äbber wehdoht vom Rümmestohn, loot uns leeber moh nach en bitzken dürr´t Durp gohn un dann noh´reeme. Un dann fällt uns bestimmt widder wuott in un up wat villichte nit ganz wohr is -
gümmer schköön Augen un Ohren upphallen!
Fritze-Vedder: Nejooh – gutt hören kann ick je schlächt, äbber schlächt kucken kann ick gutt!
Miele-Tante: Un weh dann als Künnich nach olles in Frooge kümmet, dat konnt jij dann nächste Wiäcke hij läsen, oder de Wiäcke drupp – oder so – äbber jij höört dann up jeden Fall widder wuott!
Un wann änner von unsen Läseren ´n nijet Gerüchte uppschnappet, dann sall he mo glijk de Telefonnummere 615 anroopen un dat vertellen, un dann konnt se´t olle nächste Wiäcke hij lääsen!
Kinn Gerüchte is uns te kleen, un et kann nix so verkährt sijn, dat me´t nit nach verkährter widder vertellen könnte!
Bis nächste Wiäcke dann, dann witte´we bestimmt schkonn maier!