Dem König auf der Spur 2

Dem König auf der Spur

Staffel II. - Ein Epos aus dem Twister Adel.....

Unter dieser Rubrik werdet Ihr, liebe Twister, bis zum Freischießen die neuesten Neuigkeiten, Halbwahrheiten und Geschwätz zum Hauptthema des Freischießens lesen - die Miele-Tante und der Fritze-Vedder unterhalten sich auf Twister Platt über ihre letzten Erkenntnisse und frisch gehörtes. Wer dieser Sprache nicht mächtig ist, sollte sich eine alte Tante, einen Opa, einen niederländischen Freund oder ein Wörterbuch (jaaaa, das gibt’s!) suchen. Mit einem bisschen guten Willen und viel Phantasie versteht sich dann alles wie von selbst! Und wer mal was falsch versteht, kann es gerne noch falscher weitererzählen.....Und wer die Unterhaltung wirklich gar nicht versteht, der ist bestimmt so jung, dass er sich mit dieser ganzen Internet-Geschichte auskennt. Der sollte dann mal auf der Homepage der Schützengilde Twiste (www.schuetzengilde-twiste.de) nachschauen, da ist jede Woche die Übersetzung der neuesten Unterhaltung zu finden.

Fritze-Vedder: Na Miele, hiäste dann dijne Runde üöbber ´n Kappelstäärt schkonn rümme?

Miele-Tante: Jo sicker, is je soo wijt auck nit. Äbber nou stoh´we schkonn widder hij bijm Henner up´m Platze.

Fritze-Vedder: Dann kannste mij je auck getz vertellen, wat dat mit Stracken Katte upp sick hiätt!

Miele-Tante: Also dat is soooo: Stracken Katte leepet gümmer von tereeme wechen. Rennt noh Wilhelmis innen Stall, schmitt sick in´t Strauh un schleepet doh. Un dann hiätt Stracken Karla gümmer Bange, de mächten de Dööre toh un de Katte käm nit maih router un noh heeme. Un dann geiht dat Karla mit diänn ganzen Hunden out der Nohberschkaft laus noh Wilhelmis un sööket de Katte. Un dann hiäddet sick moh angeschlicken, boh iätt Stimmen vom Platze gehoort hiätt, un dee vertallten wat me als Künnich in der Schkützengilde so olles maken mott. Doh drüöbber hiätt sick de Henner mit nach ennem ungerhallen.

Fritze-Vedder: Nou säch doch schkonn, we wohr dann dat?

Miele-Tante: Je, dat wohr de Henner mit diämm nijjen Künnich – dat währt nähmlick Lotzes Marco von der Brede! Dat hiätt dat Karla ganz genau gehoort un mij dann glijk vertallt!

Fritze-Vedder: Wat sägeste dann nou! Un borümme währt de Jojo kin Künnich?

Miele-Tante: Ganz eenfach: Dat Karla hiätt in Bachterkissen gümmer Männerrollen. Dat wöll dann bestimmt selber Künnich währen, un für´n Jojo hawwe kin passend Kleid als Künnigin!

Fritze-Vedder: Jo, un Hoore hiätt he auck nit genoch dat me dat Diadem dodrin stiäcken könnte.

Miele-Tante: Boh ick hij so kucke – de Henner hiätt je auck so ville Löchere hij up´m Platze gebuddelt! Wat is dann hij im Durpe üöbberhaupt laus?

Fritze-Vedder: Dou meenst wägen diänn villen grauten Löcheren up´m Trottewah?

Miele-Tante: De mottet se äbber olle bis Frijschkeeten widder tohmaken, nit dat nach enner im dousteren, oder wann he en bitzken wuot gedrunken hiätt, do rinfällt?

Fritze-Vedder: Bist dou dann albern? De Löchere sit doch olle für de Fahnenmasten un de Ehrenpforten, dat währt olles nach do hinnegemöüert!

Miele-Tante: Ach, für´t Frijschkeeten? Dann weet ick getz auck, borümme so ville Löchere diänn Vuggelbirch rupper sit. De höört bij Richlippes Dieter sijnen Junges up! Wann dat olles Fahnen währt, un de Künnich nit von der Brede kümmet – dann kümmet he outem Baumgarten!

Fritze-Vedder: Wiänn sall´t dann wuoll driäppen? De Stefan is in der Landwehr un de Dennis is in der Lanzengarde.

Miele-Tante: Dann glaibe ick eher an en Dennis – de hiätt sijn Loch für´n Fahnenmasten fürr´m House schkonn für´n Christbaum outprobeert.

Fritze-Vedder: Un de Stefan hiätt ingerüstet un verputzet et nije Hous. Un up diäm platten Daake kann me ne schköne Tribüne für der Ehrenlosche maaken.

Miele-Tante: Loot dat de Junges moh unger sick outmaken – vielleicht weet me je nächste Wiäcke schkonn maier?

Un wann änner von unsen Läseren ´n nijet Gerüchte uppschnappet, dann sall he mo glijk de Telefonnummere 495 anroopen un dat vertellen, un dann konnt se´t olle nächste Wiäcke hij lääsen!

Kinn Gerüchte is uns te kleen, un et kann nix so verkährt sijn, dat me´t nit nach verkährter widder vertellen könnte!

Bis nächste Wiäcke dann, dann witte´we bestimmt schkonn maier!

Jugge Miele-Tante un de Fritze-Vedder