Schützengilde 1539 Twiste e. V.
Staffel II. – Ein Epos aus dem Twister Adel.....
Unter dieser Rubrik werdet Ihr, liebe Twister, bis zum Freischießen die neuesten Neuigkeiten, Halbwahrheiten und Geschwätz zum Hauptthema des Freischießens lesen – die Miele-Tante und der Fritze-Vedder unterhalten sich auf Twister Platt über ihre letzten Erkenntnisse und frisch gehörtes. Wer dieser Sprache nicht mächtig ist, sollte sich eine alte Tante, einen Opa, einen niederländischen Freund oder ein Wörterbuch (jaaaa, das gibt’s!) suchen. Mit einem bisschen guten Willen und viel Phantasie versteht sich dann alles wie von selbst! Und wer mal was falsch versteht, kann es gerne noch falscher weitererzählen.....
Und wer die Unterhaltung wirklich gar nicht versteht, der ist bestimmt so jung, dass er sich mit dieser ganzen Internet-Geschichte auskennt. Der sollte dann mal auf der Homepage der Schützengilde Twiste (www.schuetzengilde-twiste.de) nachschauen, da ist jede Woche die Übersetzung der neuesten Unterhaltung zu finden.
Fritze-Vedder: No, Miele, geihdet dann widder? Wohr dat dann nit en schköönen Dach doh bijm Outmarschke in Bachterkissen?
Miele-Tante: Doh hiäste äbber auck Rächt, un wat is dat doch schkön, dat wij hij up der Bank unger´em Zirenenbuschke sitten konnt.
Fritze-Vedder: Jo, un so wie ick dat gehoort habbe, sit auck de ganzen Outmarschkeerer widder gutt noh heeme gekummen.
Miele-Tante: Nit olle, so´n paar hat sick ganz un gar verlaupen un mosten bij der Haibar irsmoh inkähren, dat se de Orientierunge widder fungen.
Fritze-Vedder: Un eener, de wohr up´m halben Wääge up eenmol so mööde ümme de Knee. Un do woll he nit up der Möüere sitten un schloopen, do hiätt he sick in so´n blohet Kackhüüsken, so´n Dixikloo wat do am Wääge stund, ingeschluotten un irsmo ne Stunde Middach gemacht.
Un de alle Tradezion is auck haugehallen wohren: so en aller Schkützenkünnich hiätt glijk am Seniorendischke Middach gemacht.
Miele-Tante: Nach vill schkönner wohr, dat de Blagen obends nach in de Twiste geklatert sit – de hat wuoll nach nij wuot vom Hakemann gehoort – un hat sick von uobbene bis ungene mit Pämpel vullgeschmäärt – de sohen out wij de Beestere! Wij richtige Blagen vom Durpe outsehen mottet – schkitterich äbber gesund.
Fritze-Vedder: Jo, de Blagen höört bij som Feste auck midde derto! Bloß wat ick nit verstohe – borümme drobbet dann de Mäkes kinn Kinderkünnich währen? Boh is dann doh de Ungerschkeed to diänn Junges, wann se doch genau so gutt schkeeten konnt?
Miele-Tante: Dou Öhmel, dat wöhre doch dann ne Künnigin! Un de Vürstand mott sick getz irsmoh drüöbber eenich währen, wij se dat insorteeren sallt. Äff se dat wuoll moh irgendwann hinnekrijget?
Fritze-Vedder: Na, äbber dohfürr hat wij doch getz schkon de „Künnigin der Herzen“. Dat Christa kümmert sick doch ümme so ville wichtige Sachen un maket un deut, un hiätt auck gümmer gudde Infälle – dat mott me doch auck moh anerkennen!
Miele-Tante: Un getz bijm Outmarschke habbe ick gesehen, doh hiätt et wuott in sijne kleene Handtaschke gestoppet un hiätt gesiächt, dat wöhre sijn bestet Stücke!
Fritze-Vedder: Wij, diänn langen Peter in de kleene Taschke?
Miele-Tante: Ach watt, dou möönschke Kerl! Dat wohr de Lippenstift!
Fritze-Vedder: Wat mij auck upgefallen is – de ganzen Wijbeslöüde wohren olle nach so´n bitzken dohinger!
Miele-Tante: Fritze-Vedder, weest dou dann, wij dat kam? Dee hadden olle murjens kinnen Kaffee gedrunken, weil se Bange hadden, dat dat Anträäden öüben so lange douern könnte un se dann out der Büxe mössten. Un up dat blohe Pullerhüüsken goht de Wijbesmenschken doch nit!
Fritze-Vedder: Dann wöhret doch schkön, wann de Löbers Stefan Künnich wöhr. Dann könnte de doch in sijner Wirkstelle so´n blohet Hüüsken moh urntlick uprüsteren, dat de Wijbeslöüde doh dann auck gerne ringoht – so mit schköön angestricken un Speegel drinne un wuot für de Fingernägele un gudde Mussik….
Miele-Tante: Un et is lästen Enges auck egal, we von Lotzes Huoff nou Künnich währt.
Fritze-Vedder: Dat möste äbber bis Pinkesten ferrich sijn, doh is doch de twidde Outmarschk!
Miele-Tante: Un ick frogge mick dann schkon uppet nächste Geschwätze!
Un wann änner von unsen Läseren ´n nijet Gerüchte uppschnappet, dann sall he mo glijk de Telefonnummere 495 anroopen un dat vertellen, un dann konnt se´t olle nächste Wiäcke hij lääsen!
Kinn Gerüchte is uns te kleen, un et kann nix so verkährt sijn, dat me´t nit nach verkährter widder vertellen könnte!
Bis nächste Wiäcke dann, dann witte´we bestimmt schkonn maier!