Schützengilde 1539 Twiste e. V.
Staffel II. – Ein Epos aus dem Twister Adel...
Unter dieser Rubrik bekamt Ihr, liebe Twister, in den letzten Monaten die neuesten Neuigkeiten, Halbwahrheiten und Geschwätz zum Hauptthema des Freischießens lesen -
die Miele-Tante und der Fritze-Vedder unterhielten sich auf Twister Platt über ihre letzten Erkenntnisse und frisch gehörtes. Wer dieser Sprache nicht mächtig ist, sollte sich eine alte Tante, einen Opa, einen niederländischen Freund oder ein Wörterbuch (jaaaa, das gibt’s!) suchen - oder sie endlich mal lernen.
Und wer die Unterhaltung wirklich gar nicht versteht, der ist bestimmt so jung, dass er sich mit dieser ganzen Internet-Geschichte auskennt. Der sollte dann mal auf der Homepage der Schützengilde Twiste (www.schuetzengilde-twiste.de) nachschauen, da ist jede Woche die Übersetzung der neuesten Unterhaltung zu finden.
Fritze-Vedder: Miele! Hiäste dat dann middegekricht? Et is nit te glaibene!
Miele-Tante: Wat is dann passeert? Is enner te Schaden gekummen?
Fritze-Vedder: Nä, nit ganz, äbber balle! Düsse Verdürberlinge, de sick gümmer up Scheipes Schküere rümmedrijbet, wollen doch wirklick unsen Künnich, unsen leeben Henner, up´n Grill setten un so lange bruzzelen bis he domidde routerkäm, we de nigge Künnich währt!
Miele-Tante: Äbber unse wackere Künnich hädde doch sicker de Schnoute gehallen. Dat is je balle wie bij unsem Sankt Vitus, diänn hat se doch domohls outgebacken…
Deshalb is de je auck de Schutzpatron von unse Kirke, von der Bumstroppe, vonnen Beerbruggern, von diänn Schauspielern un Löüden, de Twister Platt schwatzet.
Fritze-Vedder: So, getz hawwe in en lästen Wiäcken schkon so ville Kandedaten für´n Künnich angekucht - siwwe dann eegentlick dürr olle Gruppen von der Schkützengilde dürr?
Miele-Tante: Loot mick moh nohdenken - ick glaibe, et faihlt nach de Gewährtroppe!
Fritze-Vedder: Och joh, wie konnten wij dann diänn Jens vergiätten! De Pauls Jens un sijn Bina, dat wöhre doch en richtich schköönet Künnichspaar. Wat dee schkon olles geleistet hat für de Schkützengilde, wat gar kinner söüht!
Miele-Tante: Un fürr ollem isset Sabina je auck im Vürstande von der Schkützengilde - ick sääge bloß: Wijbesmenschken noh vürne!
Fritze-Vedder: Do hawwe je doch auck nach maiher Tropps out Wijbeslöüden, de bijm Feste middemaket un auck im Durpe wuot füranbrenget!
Miele-Tante: Jo, wat wöhre dann de ganze Verein, wann de Wijbeslöüde nit üöbberall noh´m Rächten kucken wöhren un so vill mächten.
Fritze-Vedder: Dann wöhret doch eigentlick genau richtich, wann auck Fruggen Schkützenkünnich währen könnten.
Miele-Tante: Jo, dann mössten et Andrea un et Kathi äbber zanken, we nou von iännen et Diadem un we de Künnichskääde drigget. Se konnt je villeicht auck emoh touschken.
Fritze-Vedder: Do hiäste Rächt, et is je doch egal, we wiänn frigget. Wann me tesammene hört, dann hört me tesammene.
Miele-Tante: Un wenn dat nou bij twee Junges is, un eener hiätt et Krööneken un de andere de Künnichskääde, dann is dat bestimmet auck ganz schköön… me mott je nit unbedingt so en langet Kleid habben, en Anzuch lett je manchsmoh fürr bäide biätter.
Fritze-Vedder: Ick säge bloß: wat de Uplänger un de Westfalen konnt, dat konnt wij hij schkon lange! Un dann geiht dat auck üöbberoll!
Miele-Tante: Ick finge sowieso, upp´m Durpe mott me sick verdrägen. Alt un Jung tesammene, wij´t upp´m Durpe schkon gümmer wohr. Kriech un Ungemach hawwe up der Welt schkonn genoch, dat konnt wij hij nit brouken. Un ganz egal, wie enner outsöüht un boh he härkümmet un wat he maket - en Menschke is en Menschke!
Fritze-Vedder: Un so willt wij auck unse Fest fieren, bunt un mit ganz vill Spaß in ollen Ecken un Engen.
Miele-Tante: Am Moondage mottet wij dann kucken, watt et bijm Gerichte so olles gitt - un wann´t to arch währt, dann berichte wij nohäär nachemoh.
Et wohr uns ne graute Ähre, de falschken un richtigen Twister Künnige un manche anderen Löüde in´t Gespräch te brängene - un wat wij beiden getz schkonn wittet, vertellt wij juch dünndach nach nit.
In diänn Johren noh diäm lästen Frijschkeeten in 2016 is je so vill passeert in der Welt, dat me vürhäär sick garnit hiätt vürstellen können un wat für olle Löüde gar nit gutt wohr - wij hatt sogar unse ganzet Fest upschkouben mötten! Nou willt wij äbber huoppen, dat et bis tem nächsten Frijschkeeten nit widder so´n Zirkus un Dürrenander git, un dat wij uns moh widder en bitzken erhuollen un tesammene dürrpousten konnt.
Wij wünschket uns ollen en schköönet Frijschkeeten, un blijbet olle anständije Löüde, gudden Moodes un gesund