Schützengilde 1539 Twiste e. V.
Dem König auf der Spur
Staffel II. – Freischießens-Nachlese
Unter dieser Rubrik melden sich die Miele-Tante und der Fritze-Vedder auf Twister Platt noch einmal zu Worte, um ihre Erkenntnisse vom Twister Freischießen 2024 mit den interessierten Lesern zu teilen. Wer dieser Sprache nicht mächtig ist, sollte sich eine alte Tante, einen Opa, einen niederländischen Freund oder ein Wörterbuch (jaaaa, das gibt’s!) suchen - oder sie endlich mal lernen.
Und wer die Unterhaltung wirklich gar nicht versteht, der ist bestimmt so jung, dass er sich mit dieser ganzen Internet-Geschichte auskennt. Der sollte dann mal auf der Homepage der Schützengilde Twiste (www.schuetzengilde-twiste.de) nachschauen, da ist jede Woche die Übersetzung der neuesten Unterhaltung zu finden.
Miele-Tante: No, Fritze-Vedder, schkön dat ick dick moh widder driäppe, sijt unsem Frijschkeeten habbe ick je gar nix maih mit dij te dohne gehatt!
Fritze-Vedder: Stimmet! Äbber nit dat dou denkest, ick wöhre so lange bij Fahlen Karlheinz in der Schmitte tem Outbeulen gewiäst! Nä, ick hadde je so vill te dohne mit oll diämm, wat üöbber´t Frijschkeeten liggen geblifft is.
Miele-Tante: Jo, dat geenk mij je doch genauso. Äbber de Müllers Karle von der Hauptstroote hiätt fröher schkonn gesiächt: „Für´t Frijschkeeten mott en jeder Opfer brängen!“ Ick säge dij, von der ganzen Lauperigge hadde ick Fööte wij Fijtzebauhnenstangen.
Fritze-Vedder: Ach, wat wohr dat doch für´n schköönet Fäst! Wij se olle schkön tesammene gefieret hat, de Wijbesmenschken un de Mannslöüde, de Grauten un de Kleenen – anders wij in Orolzen 7!
Miele-Tante: Dat ligget äbber auck doh dranne, dat de Vürstand von der Schkützen-gilde so schkön tesammene gewirket hiätt un dat dat so ville junge Löüde sit.
Fritze-Vedder: Jo, de Allen röümet je nach im Hingergrunde so´n bitzken rümme un maaket Sachen, de de Jungen nit witten konnt -
Miele-Tante: Un de Jungen maaket de Sachen, de de Allen nit konnt – un dann pässet dat wunderbar tesammene.
Fritze-Vedder: Ick denke nach olz an diänn schköönen Festzuch am Sunndage – doh wohren je wirklick de ganzen bunten Tropps von diänn Historischken Schkützengilden derbij, un de Grönen Mengerkisser.
Miele-Tante: Un am Frijdage de Zappenstreich wohr je auck ne beindruckende Sache. Äbber richtich angefangen hiäddet Frijschkeeten doch dohmidde, dat dat Zelt dür´t Durp gelaupen is.
Fritze-Vedder: Ach, dou meenst dat Zelt, dat de Bumstruppe in Bachterkissen vergiätten hadde – oder wohren de bloß te foul tem Afbuggen?
Miele-Tante: Is je auck egal, äbber se hatt dat graute Dingen im Ganzen dür´t Durp geschlippet un de Knüppelmusiktroppe is ungerm Zelte midde gelaupen.
Fritze-Vedder: Un hiäst dou dann diänn kleenen Bruno mit sijner Pauke im Spillmannszugge gesehen? De wohr je doch de beste von ollen, dat wohr de Attraktion vom ganzen Fäste! Doh hatt de Löüde olle noh gekucht, un de hiätt ollen Spaß gemacht.
Miele-Tante: Do söüht me, dat et uns ümme´n Nohwuchs nit bange te sijn brouket. Ick sij je sowieso moh gespannt, wij ville nigge Blagen so ümme Austeren rümme im nächsten Johre up de Welt kummet …
Fritze-Vedder: Dat mott me je sägen, dat dat ganze Fäst un auck et Festspill doch ville junge Löüde dohinne gebracht hiätt, dat se sick widder en bitzken für de Historie vom Durpe un de Tradezionen un et Twister Platt interesseert!
Miele-Tante: Un hiäst dou dann auck diänn Generazionswessel bijm Gerichte am Moondach middegekricht? De Günher hiätt je en Haamer afgegitt, un de Markus is wirklick en richtich würdigen Nohfolger. De krijget getz auck nach en Goldenen Fleeschkklopper am Langen Bande! Bloß – bohrümme se mick dautschkeeten wollen, dat weet ick bis getz nach nit!
Fritze-Vedder: Dou währst´et schkonn verdeent habben – de ganzen villen schköönen Geschkichten, de vürr un bijm Frijschkeeten so passeert sit, de konnt un willt wij sowieso gar nit olle vertellen!
Miele-Tante: Äbber mit eenem hadden wij doch Rächt – dat de Marco un et Sina Künnich währt, hatt wij doch olszous gesiächt – et woll bloß kinner glaiben!
Un getz frogget wij uns schkon up et nächste Biwak un de Frijschkeetenskingere!
Blijbet olle schkön gesund un verdräget juch.