Klassetreffe

von Relinde Niederländer

E bissje bedriggt und ganz viel befreit,

es Largo von Händel veklung.

„Ehr gehn voller Hoffnung ins Lääwe enaus,

es leit noor an eich, jetzt mache was draus“,

em Dirreggs sei Abschieds-Ermuudischung.

Sie hann sich noo 20 Johr widdergetroff,

em Schein noo war alles perfeggt:

Mei Partner, mei Traumschobb, mei Haus unn mei Hund,

viel Foddos unn Storries vunn Kinnermund,

fascht wie aus me Hochglanzbroschbeggt.

Dann 20 Johr schbäder, jetzt Knubbe am Lagg,

fa 4 schunn e schdilles Gebäät.

Dann hann se gefeiert in freehlicher Rund,

s´hatt nimmand meeh angäbb mett Haus unn mett Hund,

eher Landung in Realidäät.

Dann 20 Johr schbäder die Reie gelischt,

die Hälft mett me Taxi gebrung.

E guudes Esse beim Verrdelsche Wein,

Geschbrääche um jedem sei Zibberlein,

unn ganz viel Erinnerung.

De Abschied war herzlich, doch annerschd wie sunscht:

Wie´s wiedergeht? Ohne Gewähr!

Sie sinn mool mett Schwung in ehr Lääwe geschdaad,

jetzt gäbbts noor noch Eener, der schdill uff se waad.

Ganz beschdimmt!... Hoffentlich! …Hinnerhäär…

Über die Autorin:

Geboren und aufgewachsen ist Relinde Niederländer in Limbach. Über viele Jahre hin war niemand öfter als sie zu hören, wenn es auf SR3-Saarlandwelle um Mundart ging. Alltäglich nennt sie die Gedanken, die sie gern in Reimen zu Papier bringt, aber durchaus auch als reimloses Gedicht oder in Prosa.

Zahlreiche ihrer Beiträge sind in Anthologien und Zeitschriften erschienen. Drei Bücher hat sie bis 2022 vorgestellt, und es ist wohl nicht zu erwarten, dass es dabei, etwa wegen nachlassender Freude am Schreiben, bleiben muss.