Noor e Kinnerlied

von Relinde Niederländer

„Ich freue mich, dass ich geboren bin“

mei Kind, du waascht 4, unn im Krääs middedrin,

waascht gligglisch unn froh, all Kinn hann gesung,

unn deer zum Geburtsdaa e Schdändsche gebrung.

Mei Kind, bischt jetzt 10, s´iss veännert dei Welt,

fa Geburtsdaa se feiere, hat dei Mama kenn Geld.

Sie iss jetzt alleen noo endlosem Schdreit,

„alleinerziehend“, so nennt ma das heit.

Mei Kind, dei Mama will schaffe gehn,

dei Angscht, die iss groß, dann bischt du alleen,

unn wo sollscht du in all denne Schulferie hien,

wer Awett will, muss heit flexibel sinn.

Egal Kind, dei Mama muss schaffe gehn,

in de Arge, die Fraa war so komisch geween,

e Fahrrad fa dich, wo kääm ma do hien,

das iss doch jetzt werklisch nett vorgesiehn.

„Ich freue mich, dass ich geboren bin“

mei Kind, du waascht 4, unn im Krääs middedrin,

jetzt bischt de grad 10 unn manchmool ganz schdumm

de Krääs iss kabutt unn du wääscht nett warum.