Senioren

Je oller, je doller

Endlich is es widda su weit,

Ende Oktober is die Kärweszeit.

Bis zur richtigen Kärwä is noch ä weng hin,

ober öllä ham gehört,als die Bettina hot gschrien:

"Auf, auf ihr alten Leut, sucht euch wos raus,

am 17. Oktober träff mä uns im Countryhaus!

Die Weiber ä Röcklä na, die Männä än Hut,

dös gehört zu äre Kerwä, dös steht jeden gut.

Un su sän öllä kummä, ham net lang gefackelt

un sän zu unere Rentnerkerwä hingewackelt.

Mä ham getanzt, geschrien un ä gut gässen,

ä Fotoschuting gemacht, dass mä ä nex vergässen.

Ä jeder hot Spaß kot un hot ä Bowle nei gesuggelt

doch kännä is besuffn häm gezuckelt.

An Spruch zu Schluß,

über dän mä mol nochdenk muß:

Hett mä so viel Kinnä im Durf wie Hünd,

do künnt sich in die nächsten Jor ä widder

ä Kerwa zam gfind!

Bettina Gleichmann