Dorffest 2025

Liebe Baar-Ebenhausener,

Ende Juni wars wieder soweit,

in Baar-Ebenhausen war wieder „Dorffestzeit“!

Do hamm wieder olle Kinder, Frauen und Menna,

ganz zwanglos zum Feiern zamm kemma kenna.

Der Dorfverein mecht kurz „danke“ sogn,

bei olle, die dazua bei ham drogn,

dass a des vierte Dorffest zu am Erfolg woan is,

es war sicher ned as Letzte, des is gwieß.

Der Dank geht an olle ausm eigna Ort,

und a an de andern von weider fort.

Mia durften tolle Aufführunga erläm,

a jeder hod sei Bestes gäm.

Der Dank geht a an die Sponsoren,

die unser Fest als „unterstützenswert“ auserkoren.

Einige Vereine ham die Gelegenheit gnützt,

und des Dorffest sehr bereichernd unterstützt.

Es war echt a Schau, eich olle zuazuschaugn,

des gemeinsame Obacka machte glänzende Augn.

Klar, dass es der Dorfverein ned bloß beim „danke“ belässt,

demnächst gibt’s a heier no a kloans „Helferfest“.

Dort versuacht ma se glei aufs nächste Dorffest 2027 eizustimma,

weil ohne Dorffest geht’s künftig nimma.

Wer seine eigne Ideen eibringa wui,

der derfs ruhig doa, uns werds ned leicht zvui.

Und wenn wer unserm Verein beidrän mecht,

herzlich willkommen – des waar ned schlecht.

Mir nenna eich no die Ansprechpartner gschwind,

die wia folgt erreichbar sind:

Sebastian Schrott, Telefon 0178 83 22 909

Mark Arnold, Telefon 0172 77 13 044

Damit waar des „danke-sogn“ gschafft,

Schene Griaß an olle vom Dorfverein - die Vorstandschaft!

© Paul Thaller, der Verserl-Paule hod ned überdriem,

und uns dieses Verserl kostenlos gschriem!