Wózjawjenje

za kuždego k póglědnjenju k dispoziciji.

Kuždy do wuzwólownja wopšawnjony móžo pó § 23 wótstawk 3 Bramborskeje komunalneje wólbneje kazni pšawosć abo dopołnosć k swójej wósobje w zapisu wuzwólowarjow zapisanych datow pśekontrolěrowaś. Gaž co do wuzwólowanja wopšawnjony pšawosć abo dopołnosć drugeje do zapisa wuzwólowarjow zapisaneje wósoby pśekontrolěrowaś, musy pśeznanjecy na fakty pokazaś, z kótarychž njepšawosć abo njedopołnosć zapisa wuzwólowarjow wujś móžo. Pśawo na pśekontrolěrowanje njewobstoj pla datow do wuzwólowanja wopšawnjonych wósobow, za kótarež jo w pśizjawjeńskem registrje zakaz informěrowanja zapisany. Zapise wuzwólowarjow wjedu se w awtomatizěrowanej formje.

2.

Póžedanja na zapisanje do zapisa wuzwólowarjow

Do zapisa wuzwólowarjow wólbnego wobcerka se zapišu pó zastojnsku wše do wuzwólowanja wopšawnjone wósoby, kenž su na 35. dnju pśed wuzwólowanim we tom wólbnem wobcerku pó pśedpisach Bramborskeje pśizjawjeńskeje kazni pśizjawjone.

Na póžedanje móžo se zapisaś do zapisa wuzwólowarjow:

do wuzwólowanja wopšawnjona wósoba, kótarejež głowne bydlenje zwenka wólbnego teritorija lažy, gaž ma na městnje pódlańskego bydlenja swójo stawne pśebywanje w zmysle Bergarskich kazniskich knigłow a to w swójom póžedanju wólbnemu zastojnstwoju pśeznanjecy pśedstajijo.

do wuzwólowanja wopšawnjona wósoba, kenž bźeze bydlenja normalnje we wólbnem teritoriju pśebywa a to w swójom póžedanju wólbnemu zastojnstwoju pśeznanjecy pśedstajijo.

do wuzwólowanja wopšawnjona bergarka/wopšawnjony bergaŕ Europejskeje unije, kenž njemusy se pśizjawiś.

Póžedanje ma se pisnje abo ako wuzwjawjenje k zapisanju nanejpózdźej až do 21.02.2026

stajiś w górjejce pomjenjonych casach pla

W póžedanju muse stojaś familijowe mě, pśedmě, źeń naroźenja a, jo-lic taku dajo, dokradna adresa do wuzwólowanja wopšawnjoneje wósoby. Póžedanje stajeca wósoba ma wólbnemu zastojnstwoju wobwěsćiś, až njejo hyšći pśi žednom drugem wólbnem zastojnstwje zapisanje do zapisa wuzwólowarjow póžedała.

3.

Spśeśiwjenje pśeśiwo zapisoju wuzwólowarjow

Kužda do wuzwólowanja wopšawnjona/ Kuždy do wuzwólowanja wopšawnjony, kenž ma zapis wuzwólowarjow za njepšawy abo njedopołny, móžo až do 23.02.2026 pla

pisnje abo ako wuzjawjenje k zapisanju, wósobinski abo pśez społnjomócnjonu wósobu spśeśiwjenje pśeśiwo zapisoju wuzwólowarjow zapódaś. Spśeśiwjenje móžo se měriś na pśiwześe nowego zapisanja abo na šmarnjenje abo pórěźenje eksistěrujucego zapisanja.

Gaž njejsu twarźone fakty ned widobne, ma spśeśiwjarka/spśeśiwjaŕ trjebne dopokaze pśedpołožyś.

4.

Do wuzwólowanje wopšawnjone, kenž su do zapisa wuzwólowarjow zapisane, dostanu až do 15.02.2026 wólbnu pówěźeńku.

Chtož wólbnu pówěźeńku dostał njejo, se pak mysli, až jo do wuzwólowanja wopšawnjony, musy stajiś póžedanje na pórěźenje zapisa wuzwólowarjow, gaž njoco do tšachoty pśiś, až swójo wólbne pšawo wugbaś njamóžo.Do wuzwólowanja wopšawnjone, kenž su stajili póžedanje abo kenž su se w pórěźeńskem póstupowanju do zapisa wuzwólowarjow zapisali, dostanu ned pó zapisanju wólbnu pówźeńku. Wuzwólowaś móžo jano, chtož jo do zapisany do zapisa wuzwólowarjow abo chtož ma wuzwólowańske łopjeno.

5.

Wuzwólowańske łopjeno dostanjo na póžedanje

5.1

do zapisa wuzwólowarjow zapisana do wuzwólowanja wopšawnjona wósoba,

5.2

do zapisa wuzwólowarjow njezapisana do wuzwólowanja wopšawnjona wósoba, gaž

dopokazujo, až jo bźez swójskeje winy zakomuźiła cas stajenja póžedanja abo cas spśeśiwjenja,

jo jeje pšawo na wobźělenje pśi wuzwólowanju nastało akle pó casu stajanja póžedanja abo pó casu spśeśiwjenja abo

jo jeje pšawo na wuzwólowanje se zwěsćiło w spśeśiwjeńskem póstupowanju a zwěsćenje jo wólbnemu zastojnstwoju akle pó zakóńcenju zapisa wuzwólowarjow k wěsći dojšło.

Wuzwólowańske łopjeno móžo se pisnje abo wustnje, wósobinski abo pśez

społnomócnjonu wósobu póžedaś až do 06.03.2026, 18.00 góźin, w słužbnych

casach pla

Ako pisna forma płaśi teke telegram, dalokopis, telefaks, mejlka abo howacne elektroniske formy pósrědnjenja, kenž daju se dokumentěrowaś, gaž stoj w póžedanju teke źeń naroźenja póžedanje stajeceje wósoby.Telefoniske póžedanja njejsu dowólone.

W padach dypka 5.2 mógu se wuzwólowańske łopjena hyšći až do wólbnego dnja, 15.00 góźin póžedaś. Samske płaśi, gaž pśi dopokazanem njezjapkem schórjenju wuzwólujucy do wólbnego lokala pśiś njamóžo abo jano pód njepśiśpiwajobnymi śěžkosćami tam dojś móžo. Chtož stajijo póžedanje za drugu wósobu, musy z pśedpołoženim pisnego społnomócnjenja dopokazaś, až jo k tomu wopšawnjony. Brašny do wuzwólowanja wopšawnjony móžo pśi stajenju póžedanja teke wužywaś pomoc drugeje wósoby.

6.

Wuzwólowańske łopjeno mějuca/mějucy móžo wuzwólowaś w kuždyckem wólbnem wobcerku wólbnego teritorija abo, gaž jo wólbny teritorij rozdźělony do wěcej wólbnych wokrejsow, jano w tom wólbnem wokrejsu, za kótaryž jo wustajone wuzwólowańske łopjeno abo pśez listowe wuzwólowanje.

7.

Njewujźo z póžedanja za wuzwólowarńskim łopjenom, až co do wuzwólowanja wopšawnjona/wopšawnjony pśed wuzwólowańskim pśedsedarstwom wuzwólowaś, dostanjo z wuzwólowańskim łopjenom rownocasnje za głowne wuzwólowanje dnja 08.03.2026 slědujuce pódłožki listowego wuzwólowanja:

amtski głosowański lisćik wólbnego teritorija,

amtsku nutśikownu wobalku za głosowański lisćik,

amtsku wenkownu wólbnu listowu wobalku a

zaspomnjeńku za listowe wuzwólowanje.

Za wuskałanje dnja 22.03.2026 dostanjo wón/a z wuzwólowańskim łopjenom rownocasnje slědujuce pódłožki listowego wuzwólowanja:

amtski głosowański lisćik wólbnego teritorija,

amtsku nutśikownu wobalku za głosowański lisćik,

amtsku wenkownu wólbnu listowu wobalku a

zaspomnjeńku za listowe wuzwólowanje.

Do wuzwólowanja wopšawnjona/wopšawnjony móžo toś te pódłožki teke hyšći pózdźej až nanejoózdźej na wólbnem dnju, 15.00 góźin wótewześ.

Zgubjone wuzwólowańske łopjena a głosowańske lisćiki se njenarownaju.

Pśi listowem wuwzólowanju ma wuzwólowarka/wuzwólowaŕ wólbny list tak scasom wótpósłaś, až ten nanejpózdźej na wólbnem dnju, 18.00 góźin pśi tom na wólbnej listowej wobalce pódanem městnje dojźo. Wólbny list móžo se tam teke wótedaś.

We wólbnem lisće muse byś w zacynjonej wólbnej listowej wobalce:

pódpisane wuzwólowańske łopjeno

w zacynjonej wósebnej wobalce głosowański lisćik.

Dokradnjejše pokazki, kak ma wuzwólowarka/wuzwólowaŕ listowe wuzwólowanje wugbaś, stoje na slěznem boce wuzwólowańskego łopjena.