Wólbne wózjawjenje
za wólby do 8. Krajnego sejma Bramborskeje
w amtoju pśisłušecych gmejnach Amta Derbno-kraj
dnja 22. Septembra 2024
1. Dnja 22. septembra 2024 budu wuzwólowanja do Krajnego sejma Bramborskeje.
Wólby traju wót zeger 08:00 – 18:00 góźin.
2. Amt Derbno-kraj jo do slědujucych 25 wólbnych wobcerkow rozrědowany.
| Nr. wólbnego wobcerka Mě wólbnego wobcerka | Wólbny lokal, adresa | bźez bariery |
| 1 Derbno: | ||
| 101 Derbno, wuša šula | Wuša šula „Germanus Theiss“, awla, Šulska droga 1 | jo |
| 102 Derbno, SOS Źiśeca wjas | SOS Źiśeca wjas „Mała gwězda”, Mužakojska droga 14 | jo |
| 103 Derbno, Dubrawka | Towaristwowy dom, SV Blau-Weiß Dubrawka, Gatna droga 14 | jo |
| 2 Feliksowy jazor: | ||
| 201 městny źěl Błobošojce | Wognjowa wobora, městny źěl Błobošojce, Pód lipami 10 | jo |
| 202 městny źěl Bošojce | Dwór „Bennicke“, městny źěl Bošojce, Wejsna droga 28 | ně |
| 203 gmejnski źěl Bošojce- Wudwór | Gósćeńc „K lipje“, Bošojce Wudwór, Mužakojska droga 1 | ně |
| 204 městny źěl Frycowy gaj | Gmejnski centrum, městny źěl Frycowy gaj, Droga Karla Marxa 14 | ně |
| 205 městny źěl Łojojc | Gmejski centrum, městny źěl Łojojc, Ruśańska droga 38a | ně |
| 206 městny źěl Ruśi | Gmejnski centrum, městny źěl Ruśi, Ruśańska wejsna droga 22 | ně |
| 3 Tśěšojce-Žymjerojce | ||
| 301 městny źěl Tśěšojce | Dom towaristwow, městny źěl Tśěšojce, Pśi ługu 25 | ně |
| 302 městny źěl Žymjerojce | Gmejnski centrum, městny źěl Žymjerojce, Puś pśi wilach 4a | jo |
| 4 Jemjelica-Źěwink | ||
| 401 městny źěl Jemjelica | Gmejnski centrum, městny źěl Jemjelica, Šulska droga 7 | ně |
| 402 městny źěl Źěwink | piwnicaŕska familija Guder, Jamojska droga 9 | ně |
| 5 Nysa-Małksowy doł | ||
| 501 městny źěl Wjeliki Kólsk | Sportaŕski dom Wjeliki Kólsk, městny źěl Wjeliki Kólsk, Wejsna droga 60 | jo |
| 502 městny źěl Jarješk | Informaciski centrum, městny źěl Jarješk, nr. 9 | jo |
| 503 městny źěl Jaligojce | Wognjowa wobora, městny źěl Jaligojce, Jaligojce nr. 26 | jo |
| 504 městny źěl Maly Kólsk | Wognjowa wobora, městny źěl Maly Kólsk, Małokólcańska wejsna droga 3 | ně |
| 505 městny źěl Rjašćany | Gósćeńc „Mahlow“, městny źěl Rjašćany, Rjašćańska wejsna droga 8 | ně |
| 6 Cersk | ||
| 601 městny źěl Cersk | Wěcejzaměrowa halaCersk Pśi šulskej droze 1 | jo |
| 602 městny źěl Śisej | Towaristwowy rum turnowarnje, městny źěl Śisej, Pśi sportnišću 1 | ně |
| 7 Pśi łukach | ||
| 701 městny źěl Garjej | Grod, městny źěl Garjej, Garjejska Głowna droga 5 | jo |
| 702 městny źěl Gózd | Wognjow wobora, městny źěl Gózd, Baršćańska droga 1a | jo |
| 703 městny źěl Jaty | Gmejnski centrum, městny źěl Jaty, Žargońska droga 9 | ně |
| 704 městny źěl Matyjojce | Gmejnski centrum „Stara Šula“, městny źěl Matyjojce, Šulska droga 17 | ně |
| 705 městny źěl Trjebejce | Gmejnski centrum, městny źěl Trjebejce, Drustwowa droga 1 | ně |
We wólbnych powěźeńkach, kenž su se do wuzwólowanja wopšawnjonym, nanejpózdźej až do 22. septembra 2024 pśipósłali, stej pódanej wólbny wobcerk a wólbny lokal, w kotarymaž móžo do wuzwólowanja wopšawnjony wuzwólowaś.
Wulicenje głosow listowego wuzwólowanja za wólby do krajnego sejma se pśewjeźo w Amśe Derbno-kraj.
Pśedsedarstwa listowych wólbow pśi Amśe Derbno-kraj se zejdu za zwěsćenje wuslědkow listowch wólbow za wuzwólowanje krajnego sejma na wólbnem dnju zeger 16.00 góźin we zastojnstwowem twarjenju w 03159 Derbno, Baršćańska droga 8.
3. Kuždy do wuzwólowanja wopšawnjony, kenž njama wuzwólowańske łopjeno, možo jano we wolbnem lokalu togo wolbnego wobcerka wuzwolowaś, do kotaregož zapisa wuzwólowarjow jo zapisany.
Wuzwolowarje maju swoju wolbnu powěźeńku a płaśecy personalny dokument z fotografiju na wuzwólowanje sobu pśinjasć. Na pominanje wolbnego pśedsedarstwa ma se wuzwólowaŕ wó swójej wósobje wupokazaś.
Wuzwólowańska powěźeńka dej se pśi wuzwólowanju wotedaś.
4. Wuzwólujo se z amtski zgótowanymi głosowańskimi lisćikami. Kuždy wuzwólowaŕ dostanjo pśi zastupjenju do wólbnego lokala głosowańske lisćiki do rukowu. We wólbnem lokalu wisy muster głosowańskich lisćikow.
5. Za wólby do krajnego sejma płaśi:
Kužda wuzwolowaŕka / Kuždy wuzwolowaŕ ma jaden prědny a jaden drugi głos.
Na głosowańskem lisćiku stoje pśecej w rěźe wuzwolowańskich naraźeńskich numerow
| a) | za wolby po wokrejsnych wolbnych naraźenjach pśizwolone wokrejsne wolbne naraźenja z podaśim familijowego mjenja, pśedmjenja, powołanja abo źěłabnosći a adresu kandidatki / kandidata ako teke mjenja partaje, politiskego zadnośeństwa abo lisćinowego zjadnośeństwa, a gaž se wužywa krotke pomjenjenje, teke to, abo pomjenjenje „jadnotliwa kandidatka” abo „jadnotliwy kandidat” za kandidatow, kenž njewustupuju za partaju, za politiske zjadnośeństwo abo lisćinowe zjadnośeństwo, a napšawo wot mjenja kuždeje kandidatki / kuždego kandidata krejs za wobznamjenjenje. Pśi wokrejsnych wolbnych naraźenjach lisćinowych zjadnośeństwow su na głosowańskem lisćiku teke mjenja, a jo-lic maju, teke krotke pomjenjenja tych do njogo słušecych partajow abo politiskich zjadnośeństwow, |
| b) | za wuzwólowanje po krajnych lisćinach pśizwolone krajne lisćiny z mjenim partaje, politiskego zjadnośeństwa abo lisćinowego zjadnośeństwa, a gaž se wužywa krotke pomjenjenje, teke to, ako teke familijowe a pśedmjenja prědnych pěś kandidatow a nalěwo wot mjenja partaje, politiskego zjadnośeństwa abo lisćinowego zjadnośeństwa krejs za wobznamjenjenje. Pśi krajnych lisćinach lisćinowych zjadnośeństwow su na głosowańskem lisćiku dalej mjenja, a jo-lic maju, krotke pomjenjenja tych do njogo słušecych partajow abo politiskich zjadnośeństwow. |
Wuzwólowaŕka/Wuzwólowaŕ wótedajo
prědny głos na tu wašnju,
až na lěwem boce głosowańskego lisćika z do krejza stajoneju kśicku
abo na někaki drugi part jasnje wobznamjenijo, kótarej kandidatce abo kótaremu
kandidatoju dej płaśeś,
a
drugi głos na tu wašnju,
až na pšawem boce głosowańskego lisćika z do krejza stajoneju kśicku
abo na někaki drugi part jasnje wobznamjenijo, kótarej krajnej lisćinje
dej płaśeś.
6. Głosowański lisćik musy se wót wuzwólowaŕki / wuzwólowarja we wólbnej kabinje wólbnego lokala abo we wósebnem pódlańskem rumje wót drugich njewiźone wóbznamjeniś a se we złožonej fornje tak do wólbneje unrny scyniś, až wobznamjenjenje wokoło stojece wósoby póznaś njamógu.
7. Wólbne procedere ako teke wólbnemu procederoju se pśizamknjece wulicenje a zwěsćenje wólbnych wuslědkow we wólbnem wobceŕku su zjawne. Kuždy ma pśistup, tak daloko ako jo to bźez mólenja wólbneje procedury móžne.
8. We wolbnem casu jo we a pśi twarjenju, w kotaremž jo wolbny lokal, ako teke bźezposrědnje pśed zachodom do twarjenja kužde wobwliwowanje pśez słowo, zuk, pismo abo wobraz ako teke kužde zběranje podpismow zakazane (§ 35 Bramborskeje krajneje wolbneje kazni).
9. Wuzwólowarje, kenž maju wuzwólowańske łopjeno za wólby do krajnego sejma, mógu se na wólbach w tom wólbnem wokrejsu wobźěliś, w kótaremž jo se wuzwólowańske łopjeno wustajiło,
| a) | pśez wótedaśe głosa w kuždyckem wólbnem wobceŕku togo wokrejsa |
| abo |
| b) | pśez listowe wólby. |
Do wuzwólowanja wopšawnjona wósoba, kenž njama wuzwólowańske łopjeno, móžo swój głos jano w tom za nju pśisłušnem wólbnem lokalu wótedaś.
Chtož co pśez listowe wólby wuzwólowaś, musy sebje wót pśisłušnego wólbnego zastojnstwa
– Amt Derbno-kraj, Baršćańska droga 8, 03159 Derbno –
wobstaraś amtski głosowański lisćik, amtsku wólbnu wobalku ako teke amtsku wólbnu listowu wobalku a swój wólbny list z głosowańskim lisćikom (w zacynjonej wólbnej wobalce) a pódpisanym wuzwólowańskim łopjenom tak scasom wótpósłaś na to na wólbnej listowej wobalce pódane městno, až tam nanejpózdźej na wólbnem dnju až do zeger 18:00 góźin dojźo. Wólbny list móžo se teke na tom na wóbnej listowej wobalce pódanem městnje na wólbnem dnju až do 17:00 góźin wótedaś.
Za wótedaśe głosa pśez listowe wólby płaśe slědujuce wustawjenja:
| 1. | Do wuzwólowanja wopšawnjona wósoba nakśickujśo głosowański lisćik wósobinski a za drugich njewiwidnje. |
| 2. | Wóna scynijo głosowański lisćik za drugich njewiwidnje do amtskeje wólbneje wobalki a zacynijo tu. |
| 3. | Wóna pódpišo z pódaśim městna a dnja na wuzwólowańskem łopjenje wuśišćane wobwěsćenje město pśisegi. |
| 4. | Wóna scynijo zacynjonu wólbnu wobalku a pódpisane wuzwólowańske łopjeno do amtskeje wólbneje listoweje wobalki. |
| 5. | Wóna zacynijo wólbnu listowu wobalkui a wótpósćelo tu pśisłušnemi wólbnemu wjednikoju. |
Jo se do wuzwólowanja wopšawnjona wósoba na głosowańskem lisćiku zapisała, ten abo wólbnu wobalku skamsyła, tak se jej na póžedanje nowe pódłožki listowych wólbow wudaju. Wólbne zastojnstwo wobchowajo stary głosowański lisćik abo wólbnu wobalku.
Za wótedaśe głosa brašnych wuzwólowarjow płaśi slědujuce: Jo-lic jo dała do wuzwólowanja wopšawnjona wósoba głosowański lisćik pśez pomocnu wósobu wobznamjeniś, toś musy ta z pódpisanim wobwěsćenja město pśisegi k listowym wólbam wobkšuśiś, až jo głosowański lisćik pó wóli do wuzwólowanja wopšawnjoneje wósoby wobznamjeniła.
Wótewzejo-lic do wuzwólowanja wopšawnjona wósoba wósobinski wuzwólowańske łopjeno a pódłožki za listowe wólby pla wólbnego zastojnstwa, tak dostanjo móžnosć, listowe wólby ned na městnje wugbaś. Wólbne zastojnstwo jo za to wólbnu kabinu nastajiła, aby se głosowański lisćik mógał njewidnje za drugich wobznamjeniś a do wobalki za głosowański lisćik scyniś. Wólbne zastojnstwo pśíwzejo wólbne listy, schowajo je wuzamkane a pśepódajo je scasom na wólbnem dnju pśisłušnemu wólbnemu wjednikoju.
10. Kuždy do wuzwólowanja wopšawnjony móžo swójo wólbne pšawo jano jaden raz a jano wósobinski wugbaś. Chtož njewopšawnjony wuzwólujo abo howacej k njepšawemu wuslědkoju wólbow dowjeźo abo wuslědk sfalšujo se wótštrofujo z popajźenim až do 5 lět abo z pjenjezneju pokutu; teke wopytanje se wótštrofujo (§ 107a wótstawk 1 a 3 Kazniskich pokuśeńskich knigłow).
Derbno, dnja 26.08.2024
wólbne zastojnstwo
Mahnke
amtska direktorka