Wózjawjenje
pšawo na glědanje do zapisa wólarjow
a wuźělenju wólbnych łopjenow za wóspjetowańske wólby
cesnoamtskego šołty
w gmejnje Černitz
dnja 20. oktobra 2024
1. Zapise wuzwólowarjow za górjejce pomjenjone wuzwólowanja stoje w casu wót 30.09.2024 až do 04.10.2024 w slědujucych casach do wuzwólowanja wopšawnjonym w
| Amśe Derbno-Kraj |
| Baršćańska droga 8 |
| 03159 Derbno |
| śpa 1.02 |
za póglědanje k dispoziciji:
| pónjeźele | wót 09.00 do 12.00 góźin a | 13.30 do 16.00 góźin |
| wałtoru | wót 09.00 do 12.00 góźin a | 13.30 do 18.00 góźin |
| srjodu | wót 09.00 do 12.00 góźin a | 13.30 do 16.00 góźin |
| stwórtk wót 09.00 do 12.00 góźin a | 13.30 do 16.00 góźin |
|
| pětk | wót 08.00 do 11.00 góźin |
|
2. Kuždy a kužda do wuzwólowanja wopšawnjona/y móžo pšawosć a dopołnosć swójich do zapisa wuzwólowarjow zapisanych datow pśekontrolěrowaś. Gaž co do wuzwólowanja wopšawnjony abo wopšawnjona pśekontrolěrowaś pšawosć abo dopołnosć drugich do zapisa wuzwólowarjow zapisanych wósobow ma wóna resp. wón pśeznanjecy na fakty pokazaś, z kótarychž njepšawosć abo njedopołnosć zapisa wuzwólowarjow wujś móžo. Pśekontrolěrowanje datow drugich do wuzwólowanja wopšawnjonych wósobow jo wuzamknjone, gaž jo za toś te zapisany w pśizjawjeńskem registrje zakaz informěrowanja.
Jo-lic wjeźo se zapis wuzwólowarjow w awtomatizěrowanej formje, jo póglědanje z datowym wuwidnjakom móžne.
3. Póžedanje na zapisanje do zapisa wuzwólowarjow
Na póžedanje móžo se do zapisa wuzwólowarjow zapisaś:
| a) | do wuzwólowanja wopšawnjona wósoba, kótarejež głowne bydlenje zwenka wuzwólowańskego teritorija lažy, gaž ma na městnje pódlańskego bydlenja swójo stawne pśebywanje w zmysle Bergaŕskich kazniskich knigłow a to w swójom póžedanju wólbnemu zastojnstwoju w pśeznanjecej formje dopokazujo. |
| b) | do wuzwólowanja wopšawnjona wósoba, kenž se bźez bydlenja normalnje we wólbnem teritoriju wobźaržujo a to w swójom póžedanju wólbnemu zastojnstwoju w pśeznanjecej formje dopokazujo. |
| c) | do wuzwólowanja wopšawnjona/y bergaŕka/bergaŕ unije, kenž njejo winowata/y se pśizjawiś. |
Póžedanje ma se pisnje abo ako wuzwjawjenje k zapisanju stajiś nejpózdźej až do 05.10.2024 w górjejce pomjenjonych casach pla
| Amta Derbno-Kraj |
| pśizjawjeński amt bergarjow |
| Baršćańska droga 8 |
| 03159 Derbno |
| śpa 1.02 |
Póžedanje stajeca wósoba ma wuzwólowańskemu zastojnstwoju napśeśiwo wobwěsćiś, až njejo hyšći pśi žednom drugem wuzwólowańskem zastojnstwje zapisanje do wuzwólowańskego zapisa póžedała.
Do wuzwólowanja wopšawnjona wósoba, kenž ma na městnje pódlańskego bydlenja swójo stawne pśebywanje w zmysle Bergarskich kazniskich knigłow a how se procujo wó sedło w zastupnistwje, wó sedło w městnej pśiraźe abo wó amt cesnoamtskego šołty, jo winowata, swójo póžedanje na zapisanje do zapisa wuzwólowarjow stajiś južo pśed zakóńcenim casa zapódaśa wuzwólowańskich naraźenjow (15.08.2024, 12.00 góźin).
4. Spśeśiwjenje pśeśiwo zapisoju wuzwólowarjow
Spśeśiwjenje móžo wopśimjeś pśiwześe nowego zapisanja abo šmarnjenje abo pórěźenje eksistěrujucego zapisanja.
Kužda/y do wuzwólowanja wopšawnjona/y, kenž ma zapis wuzwólowarjow za njepšawy abo njedopołny, móžo až do 04.10.2024
pla
| Amta Derbno-Kraj |
| Baršćańska droga 8 |
| 03159 Derbno |
| śpa 1.02 |
zapódaś pisnje abo ako wuzwjawjenje k zapisanju abo pśez społnomócnjonu wósobu spśesiwjenje pśeśiwo zapisoju wuzwólowarjow.
Jo-lic njejsu twarźony fakty ned pśeznanjece, ma spśeśiwjaŕka/spśeśiwjaŕ trjebne dopokaze pśedpołožyś.
5. Do wuzwólowanja wopšawnjone, kenž su do zapisa wuzwólowarjow zapisane, dostanu nejpózdźej až do 29.09.2024 wólbnu pówěźeńku.
Chtož wólbnu pówěźeńku dostał njejo, se pak mysli, až jo do wuzwólowanja wopšawnjony, musy stajiś póžedanje na pórěźenje zapisa wuzwólowarjow, gaž njoco do tšachoty pśiś, až swójo wólbne pšawo wugbaś njamóžo.
Do wuzwólowanja wopšawnjone, kenž su se na póžedanje abo w pórěźeńskem póstupowanju do zapisa wuzwólowarjow zapisali, dostanu ned pó zapisanju wuzwólowańsku powěźeńku.
Wuzwólowaś móžo jano, chtož jo zapisany do zapisa wuzwólowarjow abo chtož ma wuzwólowańske łopjeno.
6. Wuzwólowańske łopjeno dostanjo na póžedanje
| 6.1 | do zapisa wuzwólowarjow zapisana do wuzwólowanja wopšawnjona wósoba, | |
| 6.2 | do zapisa wuzwólowarjow njezapisana do wuzwólowanja wopšawnjona wósoba, | |
| a) | gaž dopokazujo, až jo bźeze swójskeje winy zakomuźiła cas stajanja póžedanja abo spśeśiwjenja, |
| b) | gaž jo jeje pšawo na wobźělenje pśi wuzwólowanju nastało akle pó casu stajanja póžedanja abo spśeśiwjenja abo |
| c) | gaž jo se jeje pšawo na wuzwólowanje zwěsćiło w spśeśiwjeńskem |
| póstupowanju a zwěsćenje jo wólbnemu zastojnstwoju akle pó zakóńcenju zapisa wuzwólowarjow k wěsći dojšło. | ||
Wuzwólowańske łopjeno móžo se póžedaś pisnje abo wustnje, wósobinski abo pśez społnomócnjonu wósobu až do 18.10.2024, 12.00 góźin w słužbnych casach pla
| Amta Derbno-Kraj |
| Baršćańska droga 8 |
| 03159 Derbno |
| śpa 1.02 |
Ako pisna forma płaśi teke telegram, dalokopis, telefaks, e-mail abo howacna elektroniska forma, kenž dajo se dokumentěrowaś, jo-lic stoj w póžedanju teke źeń naroźenja póžedanje stajeceje wósoby. Telefoniske póžedanja njejsu dowólone.
W padach pó dypku 6.2 mógu se wuzwólowańske łopjena póžedaś hyšći až do wólbnego dnja, 15.00 góźin. Samsne płaśi, gaž pśi dopokazanem njezjapkem schórjenju wuzwólojucy do wólbnego lokala pśiś njamóžo, abo jano pód njepśiśpiwajobnymi śěžkosćami tam dojś móžo.
Chtož stajijo póžedanje za drugu wósobu, musy z pśedpołoženim pisnego społnomócnjenja dopokazaś, až jo k tomu wopšawnjony. Zbrašny do wuzwólowanja wopšawnjony móžo pśi stajenju póžedanja wužywaś pomoc drugeje wósoby.
Pśi rownocasnje se wótmějucych komunalnych wólbach płaśi póžedanje za wuzwólowańskim łopjenom za kužde wuzwólowanje, za kótarež jo póžedanje stajeca wósoba do wuzwólowanja wopšawnjona.
7.Wuzwólowańske łopjeno mějuce mógu w někakemžkuli wólbnem wobceŕku wólbnego teritorija abo swójogo wólbnego wokrejsa, gaž jo wólbny teritorij zarědowany do wěcej wólbnych wokrejsow, abo z listowym wuzwólowanim wuzwólowaś.
8. Njewujźo-lic z póžedanja za wuzwólowańskim łopjenom, až co do wuzwólowanja wopšawnjona/y wuzwólowaś pśed wuzwólowańskim pśedsedaŕstwom, dostanjo z wuzwólowańskim łopjenom rownocasnje slědujuce pódłožki listowego wuzwólowanja:
| a) | amtski głosowański lisćik wólbnego wokrejsa abo, gaž wólbny teritorij njejo do wěcej wólbnych wokrejsow źělony, wólbnego teritorija, |
| b) | amtsku wobalku za głosowański lisćik |
| c) | amtsku wólbnu listowu wobalku a |
| d) | zaspomnjeńku za listowe wuzwólowanje. |
Do wuzwólowanja wopšawnjona/y móžo pódłožki pózdźej, ale nejpózdźej na wólbnem dnju až do 15.00 góźin wótewześ.
Zgubjone wuzwólowańske łopjena a głosowańske lisćiki se njenarownaju.
Pśi listowem wuzwólowanju musy wuzwólowaŕka resp. wuzwólowaŕ wuzwólowański list tak scasom wótpósłaś, až wón nejpózdźej na wuzwólowańskem dnju do 18.00 gózin pla pśisłušnego, na wólbnej listowej wobalce pódanem městnje dojźo. Wólbny list móžo se tam teke wótedaś.
We wólbnem lisće muse byś w zacynjonej wólbnej listowej wobalce:
| a) | wuzwólowańske łopjeno |
| b) | w zacynjonej wobalce głosowańskego lisćika głosowański lisćik. |
Dalšne pokazki, kak do wuzwólowanja wopšawnjona/y listowe wuzwólowanje pśewjasć dej, stoje na slěznem boce wuzwólowańskego łopjena.
Pśi zwězanych gmejnskich wólbach wužywa do wuzwólowanja wopšawnjona/y za wše wuzwólowanja jano jadnu wobalku za głosowański lisćik a jano jadnu wólbnu listowu wobalku.
Derbno, dnja 26.08.2024