Wólbne wózjawjenje

1.

Dnja 09. junija 2024 wótměju se europawólby a komunalne wólby.

Wólby traju wót zeger 08:00 – 18:00 góźin.

2.

Amt Derbno-kraj jo do slědujucych 25 wólbnych wobcerkow rozrědowany.

We wólbnych powěźeńkach, kenž su se do wuzwólowanja wopšawnjonym, nanejpózdźej až do 19. 05 2024 pśipósłali, stej pódanej wólbny wobcerk a wólbny lokal, w kotarymaž móžo do wuzwólowanja wopšawnjony wuzwólowaś.

Wulicenje głosowańskich lisćikow z urny pśewjeźo se w danem wólbnem wobceŕku. Wulicenje głosow listowych wólbow za europawólby ako teke za komunalne wólby (z wuwześim wuzwólowanja do krajnego sejma) se pśewjeźo pśi Amśe Derbno-kraj. Wulicenje głosow listowego wuzwólowanja za wokrejsny sejm se pśewjeźo pla wokrejsa Sprjewa-Nysa.

Pśedsedarstwa listowych wólbow pla wokrejsa Sprjewja-Nysa se zejdu za zwěsćenje wuslědkow listowych wólbow do wokrejsnego sejma wólby na wólbnem dnju zeger 15 góź. we wokrejsnem zastojnstwje, w 03149 Baršć (Łužyca), Droga Heinricha Heine 1. Pśedsedarstwa listowych wólbow pla amta Derbno-kraj se zejdu za zwěsćenje wuslědkow listowych wólbow na wólbnem dnju zeger 15 góź. we Amśe Derbno-kraj w 03159 Derbno, Baršćańska droga 8.

3.

Kuždy do wuzwólowanja wopšawnjony móžo jano w tom wólbnem lokalu togo wólbnego wobcerka wuzwólowaś, do kótaregož zapisa wuzwólowarjow jo zapisany.

Wuzwólowarje maju wólbnu powěźeńku a swój personalny wupokaz - bergarje unije płaśecy wupokaz identity - abo drogowański pas za wuzwólowanje sobu pśinjasć. Na pominanje wólbnego pśedsedaŕstwa ma se wuzwólowaŕ wó swójej wósobje wupokazaś.

Wólbnu powěźeńku dostanjo wuzwólowaŕ zasej do rukowu. Ju musy pón pśi ewentualnem wuskałanju zasej pśedpołožyś.

4.

Wuzwólujo se z amtski zgótowanymi głosowańskimi lisćikami. Kuždy wuzwólowaŕ dostanjo pśi zastupjenju do wólbnego lokala głosowańske lisćiki do rukowu. We wólbnem lokalu wisy muster głosowańskich lisćikow.

5.

Za europawólby płaśi:

Kuždy wuzwólowaŕ ma jaden głos.

Na głosowańskem lisćiku stoje pśecej pód běžneju numeraciju pomjenjenje strony a krotke pomjenjenje respektiwnje pomjenjenje howacnego politiskego zjadnośenja a jogo póznawańske słowo ako teke pśecej prědne 10 kandidatow pśizwólonych wólbnych naraźenjow a napšawo wót pomjenjenja wopšawnjonego do wuzwólowańskego naraźenja jo krejz za wóbznamjenjenje.

Wuzwólowaŕ wótedajo swój głos na ten part, až na pšawem boce głosowańskego lisćika z do krejza stajoneju kśicku abo na drugu wašnju jasnje wobznamjenijo, kótaremu wólbnemu naraźenjeju ma płaśiś. Pšosym źiwajśo pśi wótedaśu głosa na to, až se njewótedajo wěcej ako jaden głos, howacej jo głosowański lisćik njepłaśiwy!

6.

Za wólby zastupnistwow/městnych pśiradow płaśi:

Na głosowańskem lisćiku stoje te z wobzamknjenim wóbnego wuběrka wót 09.04.2024 we wólbnem teritoriumje pśizwólone na wólbny teritorium se póśěgujucy wólbne naraźenja.

Kuždy do wuzwólowanja wopšawnjony bergaŕ móžo za swójo wuzwólowanje tśi głose wótedaś. Wón móžo swóje tśi kśicki slězy jadnogo kandidata sajźiś, móžo je pak teke rozdźěliś, na pśikład slězy tśich kandidatow swójeje wólby pśecej jadnu kśicku abo slězy jadnogo kandidata dwě kśicce a slězy dalšnego kandidata jadnu kśicku. Do wuzwólowanja wopšawnjony bergaŕ móžo swóje głose daś wšakim kandidatam jadnogo wólbnego naraźenja, bźez togo, až jo pśi tom wězany na pórěd wólbnego naraźenja. Wón ma pak teke pšawo, swóje głose kandidatam wšakich wólbnych naraźenjow daś.

Pšosym źiwajśo pśi wótedaśu głosa na to, až se njewótedaju wěcej ako tśi głose, howacej jo Waš głosowański lisćik njepłaśiwy! Wóbznamjeńśo z nakśickowanim njecwibelnje togo kandidata, kótaremuž cośo Waš głos daś. Wótedajośo-lic mjenjej ako tśi głose, tak su te głose, kenž njejsćo dali, njepłaśiwe. Stajośo-lic na pśikład na Waš głosowański lisćik jano jadnu kśicku, tak stej dwa głosa njepłaśiwej.

7.

Za wólby cesnoamtskich šołtowkow a šołtow płaśi:

Kuždy do wuzwólowanja wopšawnjony bergaŕ móžo za swóje wólby jaden głos daś.

Wóbznamjeńśo z nakśickowanim njecwibelnje togo kandidata, kótaremuž cośo Waš głos daś. Pšosym źiwajśo pśi wótedaśu głosa na to, až se njewótedajo wěcej ako jaden głos, howacej jo głosowański lisćik njepłaśiwy!

Jo-lic pśi wólbach abo wuskałanju jano jaden kandidat pśizwólony, tak stajśo do jadnogo z teju krejzowu pla słowowu “Jo” abo “Ně” kśicku.

8.

Głosowański lisćik musy se wót wuzwólowarja we wólbnej kabinje wólbnego lokala wóbznamjeniś a tak złožyś, až jogo wótedaśe głosa póznaś njejo.

9.

Wólbny akt ako teke wólbnemu aktoju se pśizamknjece zwěsćenje wólbnych wuslědkow we wólbnem wobcerku stej zjawnej. Kuždy ma pśistup, tak daloko ako jo to bźez mólenja wólbnego procedere móžne.

10a.

Wuzwólowarje, kenž maju wuzwólowańske łopjeno za europawólby, mógu se na wólbach w tom wólbnem wokrejsu wobźěliś, w kótaremž jo se wuzwólowańske łopjeno wustajiło,

a)

pśez wótedaśe głosa w kuždyckem wólbnem wobcerku togo wólbnego wokrejsa abo

b)

pśez listowe wólby.

10b.

Wuzwólowarje, kenž maju wuzwólowańske łopjeno za komunalne wólby, mógu se na wólbach w tom wólbnem teritoriumje/wólbnem wokrejsu wobźěliś, w kótaremž jo se wuzwólowańske łopjeno wustajiło,

a)

pśez wótedaśe głosa w kuždyckem wólbnem wobcerku togo wólbnego teritoriuma/ wólbnego wokrejsa abo

b)

pśez listowe wólby.

W paźe zwězanych gmejnskich wólbow (wólby do zastupnistwa a šołty) w jadnom wólbnem teritoriumje z wěcej wólbnymi wokrejsami móžo do wuzwólowanja wopšawnjna wósoba, kenž ma wuzwólowańske łopjeno, se wobźěliś na wólbach, za kótarež płaśi wólbne łopjeno,

a)

pśez wótedaśe głosa w kuždyckem wólbnem wobcerku togo wólbnego wokrejsa abo

b)

pśez listowe wólby.

W paźe zwězanych gmejnskich wólbow a wólbow w městnych źělach móžo do wuzwólowanja wopšawnjona wósoba, kenž ma wuzwólowańske łopjeno, se wobźěliś na wólbach, za kótarež wuzwólowańske łopjeno płaśi,

a)

pśez wótedaśe głosa w jadnom z tych wólbnych wobcerkow, kenž słušaju k wólbnemu wokrejsoju za wólby do zastupnistwa gmejny a do městnego źěla abo

b)

pśez listowe wólby.

Do wuzwólowanja wopšawnjona wósoba, kenž njama wuzwólowańske łopjeno, móžo swój głos jano w tom za nju pśisłušnem wólbnem lokalu wótedaś.

Chtož co pśez listowe wólby wuzwólowaś, musy sebje wót pśisłušnego wólbnego zastojnstwa

- Amt Derbno-kraj, Baršćańska droga 8, 03159 Derbno –

wobstaraś amtski głosowański lisćik, amtsku wobalku za głosowański lisćik ako teke amtsku wólbnu listowu wobalku a swój wólbny list z głosowańskim lisćikom (w zacynjonej wobalce głosowańskego lisćika) a pódpisanym wuzwólowańskim łopjenom tak scasom wótpósłaś na to na wólbnej listowej wobalce pódane městno, až tam nanejpózdźej na wólbnem dnju až do zeger 18:00 góźin dojźo. Wólbny list móžo se teke na tom na wóbnej listowej wobalce pódanem městnje na wólbnem dnju až do 18:00 góźin wótedaś.

Pla ewentualnego wuskałanja se kóncy cas za wótedaśe wólbnych listow 30. junija 2024 zeger 18:00 góźin. Pó dojźenju wólbnego lista pla wólbnego wjednika njesmějo se wěcej slědk daś.

Za wótedaśe głosa pśez listowe wólby płaśe slědujuce wustawjenja:

1.

Do wuzwólowanja wopšawnjona wósoba nakśickujśo głosowański lisćik wósobinski a za drugich njewidnje.

2.

Wóna scynijo głosowański lisćik za drugich njewidnje do amtskeje wobalki głosowańskego lisćika a zacynijo tu.

3.

Wóna pódpišo z pódaśim městna a dnja na wuzwólowańskem łopjenje wuśišćane wobwěsćenje město pśisegi za listowe wuzwólowanje.

4.

Wóna scynijo zacynjonu wobalku głosowańskego lisćika a pódpisane wuzwólowańske łopjeno do amtskeje wólbneje listoweje wobalki.

5.

Wóna zacynijo wólbnu listowu wobalkui a wótpósćelo tu pśisłušnemi wólbnemu wjednikoju.

Jo se do wuzwólowanja wopšawnjona wósoba na głosowańskem lisćiku zapisała, ten abo wobalku głosowańskego lisćika skamsyła, tak se jej na póžedanje nowe pódłožki listowych wólbow wudaju. Wólbne zastojnstwo wobchowajo stary głosowański lisćik abo wobalku głosowańskego lisćika.

Za wótedaśe głosa brašnych wuzwólowarjow płaśi slědujuce: Jo-lic jo dała do wuzwólowanja wopšawnjona wósoba głosowański lisćik pśez pomocnu wósobu wóbznamjeniś, toś musy ta z pódpisanim wobwěsćenja město pśisegi k listowym wólbam wobkšuśiś, až jo głosowański lisćik pó wóli do wuzwólowanja wopšawnjoneje wósoby wóznamjeniła.

Wótewzejo-lic do wuzwólowanja wopšawnjona wósoba wósobinski wuzwólowańske łopjeno a pódłožki za listowe wólby pla wólbnego zastojnstwa, tak dostanjo móžnosć, listowe wólby ned na městnje wugbaś. Wólbne zastojnstwo jo za to jadnu wólbnu kabinu nastajiła, aby se głosowański lisćik mógał njewidnje za drugich wóbznamjeniś a do wobalki za głosowański lisćik scyniś. Wólbne zastojnstwo pśíwzejo wólbne listy, schowajo je kšuśe a pśepódajo je scasom na wólbnem dnju pśisłušnemu wólbnemu wjednikoju.

11.

Do wuzwólowanja wopšawnjone wósoby, kenž su akle za ewentualne wuskałanje dnja 30. junija 2024 do wuzwólowanja wopšawnjone abo njejsu do zapisa wuzwólowarjow zapisane a kenž su južo za wuzwólowanje dnja 09. junija 2024 wuzwólowańske łopjeno dostali, dostanu pó wustajenjach komunalnego wólbnego póstajenja pó zastojnsku wuzwólowańske łopjeno za wuskałanje.

Do wuzwólowanja wopšawnjonym wósobam, kenž su za wólby dnja 09. junija 2024 wuzwólowańske łopjeno a pódłožki listowych wólbow dostali, se za wuskałanje pó zastojnsku zasej wuzwólowańske łopjeno a pódłožki listowych wólbow wustajiju a pśipósćelu, jo-lic njewujźo z póžedanja, až kśě pśi wuskałanju we swójom wólbnem wobcerku wuzwólowaś.

Do wuzwólowanja wopšawnjonym wósobam, kenž su dostali wuzwólowańske łopjeno, se za wuskałanje pó zastojnsku zasej wuzwólowańske łopjeno wustajijo a pśipósćelo.

12.

Kuždy do wuzwólowanja wopšawnjony móžo swójo wólbne pšawo jano jaden raz a jano wósobinski wugbaś. To płaśi teke za do wuzwólowanja wopšawnjonych, kenž su rownocasnje w jadnom drugem cłonkojskem staśe Europejskeje unije do wuzwólowanja do Europejskego parlamenta wopšawnjone (§ 6 wótstawk 4 kazni wó europawólbach).

Chtož njewopšawnjony wuzwólujo abo howacej k njepšawemu wuslědkoju wólbow dowjeźo abo wuslědk sfalšujo se wótštrofujo z popajźenim až do 5 lět abo z pjenjezneju pokutu; teke wopytanje se wótštrofujo (§ 107a wótstawk 1 a 3 Pokuśeńskich kazniskich knigłow).