Weißenborner Mundart - quer durch Weißenborn

Weißenborner Geschichten - aus der Chronik von K. Penkwitz

(neu geblättert von M. Wötzel / Weißenborn)

Penkwitz schreibt im Mai 1959 das die Weißenborner Mundart (tägliche Redensarten und Sprachgewohnheiten) sich lohnt festzuhalten, was das Leben in unseren Orte kennzeichnete. Das was Menschen im Umgang miteinander prägte, von Sorgen und Nöten berichtete und die Liebe zur Heimat. Die nachfolgenden Worte und Sätze muss man heute dreimal lesen um sie möglichst dann zu verstehen.

Meine Heemte,

Meine Hemte, mei Weissenborn, ich lieb dich sihre, bin immer fruh wenn ich vun Dir hire, wenn unse Bauern fohrn uffs Fald, ihr „Hio“ gegen de Huswand schallt, do wards su sochte Zeit uffzestien un raus, nich me im Nast gebliem.

Der Milchfohrer wor och schon do, vel Orbeit hott unse Bauersfro, Misten, Malken un,s Beschiken kreit frühzeit;g schun en krummen Ricken, Strimpe stuppen, Husen flicken, Wäsche woschen, Heiste kehrn, wos wird dor heitge Tog beschern.

Sune Pleite, kene Leite, och heje wos ass mern heite. Se hott;n ganzen Tog ern Drosch un. Sitzt nich fünf Minuten uff;n Orsch. Se is aber in ollen orientiert wenn och der Olle noch dorwierd.

Mit der Bamme uf dor Faust stibte se noch uff;s Fald hinus. Den ganzen Tog do jogtse, hetzte se, is Frih de erschte und oms de letzte. Un oms do isse ganz zertitsche, leht wie zerschlahn uf der Pritsche.

Nu hott sis aber werklich sott, die annern lam besser in der Stodt. Und is de Nocht in Stoll wos lus do siens ze wedder se arbeit immer blus, und ise bischen ei geduselt im nu do läst ihr der annere Tog keene Ruh.

Vel Leite gin zer Bohn ganz frih bei Wind und Watter un bei Schniee. Salt draußen uff der Mehlwags Hie do leht immer der marschte Schniee. Se fohrn noch Zeitz un hulen Brut, im grußen ganzen litt keener Nut.

Kumm späte vun der Kläge heem den in der Heemte is doch scheen, nimm de Latschen uff de Hitsche, denn noch der Kläge biste ditsche.

Un wenn de Walt dich intressiert stells Rodio on, do hirschte wos possiert. Nischt gescheits, such uff dor Stelle mol de Kurze, mol de Lange Welle.

Un biste ehnsam, moch der nischt draus horch nor in de Walt hinaus. De warscht;s erlahm, sich nischts annersch, wenn de vun deiner Heemte fort wannerscht.

Un rannste frih gleich in de Mehle un hulste Bretchen un och Brut, un vor deine Sau e bißchen Schrut von do draußen, do siehste deine Heemte scheen. Dos Helltol, Spackbarg un in Staudenheen. In Mehlwag un den Sandbarg siehste scheene, den Puhlbarg un der Hossler Trebe, in Lingdom un de Bohre siehste och.

Deine Heemte – Freund bedenke leht in ener Toles Senke, sis wärklich scheen, do konnste Lauschen un brauchst mit ken annern ze tausche.

Un gienste wedderin Dinge eirei is glei links de Schmidderei, hi is immer dor marschte Drack gepfloster wird do ise Wag. Gieh dorch de Gosse ins Dorf einei is glei rachts de Bargemestererei. En Bargemester hummer, en Grußen hott sich neilig mol an Kupp gestoßen. Un glei de Ecke rum is och der neie Kunsum. Hier ward`s ehn bange, diese Schlange. Noch Haring, Worscht du liebe Nut, ich asse lieber Windmehln Brut.

Am Kotzenborn do stiehn de Fraun, erzähln sich dos meiste im Vertraun. „ Na, Dir konn ich`s jo erzähln. Du bist doch verschwiegen. Aber Die, un Die, erzähln lauter Liegen. Meintwagen kunse mochen wos se wulln, ich bock mer der Heeme en gescheiten Stulln. Biste noch e stick gelofen do kunnste och bei Stumpen kofen: Zigoretten, Bier – och hingne rum, annersch als unne in Kunsum. Gieste noch estickchen weiter dos scheene Haus is unser Schneider. Dann links is der Gemeende Born, de alte Schule is sallt vorn. In der Pforre wuhnt dor Poster, unse Stroße hot e scheenes Pfloster, de Ami-Panzer kom vor Johrn, aber dos hunns nich zerfohrn. Unsern Kerchturm, denkt eich nur, fahlt immer noch de gruße Uhr.

M. Wötzel

Fortsetzung folgt