Kindermund

De Jule recht siech auf, weil ner nuch e poor Gummimännle und ah fast kaane Plätzle me do sei. Dor klaane Paul sogt: „Iech woar des, iech bie e Vielfraas, ner net be Brokkoli, do bie iech e Nichtsfraas.“

Dor Papa mäht ne Rasn. Katrin dorzählts dor Mama: „Dor Papa rast.“

Dor Felix bläkt wie oahgestochn im Huef rim und is dodorbei lauter wie de Kirngglockn. Do kimmt dor Papa: „Mach net esue laut, heit is Sunntich, do schlofn de Leit e weng länger.“ Antwort: „Ober des Glockngeklapper stert net?“

Gisela Műller