Wólbne wózjawjenje za wuzwólowanje krajnego raźca wokrejsa Sprjewja-Nysa dnja 8. měrca 2026
1.
Dnja 8. měrca 2026 buźo górjejce pomjenjone wuzwólowanje.
Wuzwólowanje buźo wót zeger 8.00 až do 18.00 góźin.
Ewentualne rozsuźenje wótmějo se 22. měrca 2026 w casu wót 8 do 18 zeger.
—
2.
Wólbny teritorij gmejny Gołkojce jo rozdźělony do 15 powšyknych wólbnych wobcerkow. Na wuzwólowańskich powěźeńkach, kenž su se do wuzwólowanja wopšawnjonym nanejpózdźej až do 15. februara 2026 pśipósłali, stej pódanej wólbny wobcerk a wólbny lokal, źož do wuzwólowanja wopšawnjony wuzwólowaś móžo.
Pśedsedarstwo/a listowego wuzwólowanja se zejźo/du k zwěsćenju wólbnych wuslědkow na wólbnem dnju we wokrejsnem zastojnstwje wokrejsa Sprjewja-Nysa, Droga Heinricha Heine 1 w 03149 Baršć (Łužyca).
—
3.
Kuždy do wuzwólowanja wopšawnjony móžo jano w tom wólbnem lokalu wólbnego wobcerka wuzwólowaś, w kótaremž zapisu wuzwólowarjow jo zapisany. Wuzwólowarje maju swóju wólbnu powěźeńku a swój personalny wupokaz – bergarje unije płaśecy wupokaz identity - abo drogowański pas za wuzwólowanje sobu pśinjasć. Na pominanje wuzwólowańskego pśedsedarstwa ma se wuzwólowaŕ wó swójej wósobje wupokazaś.
Wuzwólowańsku powěźeńku dostanjo wuzwólowaŕ zasej slědk. Wólbna powěźeńka ma se pśi móžnych wólbach znowego pśedpołožyś.
Zbrašne wuzwólowarje mógu, gaž pśisłušny wólbny lokal zbrašnym njewótpowědujo, pla wuzwólowańskego zastojnstwa póžedaś pódłožki listowych wólbow k wugbaśu wuzwólowańskego pšawa.
—
4.
Wuzwólujo se z amtski zgótowanymi głosowańskimi lisćikami. Kuždy wuzwólowaŕ dostanjo pśi zastupjenju do wuzwólowańskeje rumnosći głosowański lisćik do rukowu. Na głosowańskem lisćiku stoje wólbne naraźenja, kótarež jo wólbny wuběrk 8. januara 2026 pśizwólił. We wólbnem lokalu wisy muster głosowańskego lisćika.
—
5.
Za wuzwólowanje płaśi:
Kuždy do wuzwólowanja wopšawnjony bergaŕ móžo za swójo wuzwólowanje jaden głos wótedaś.
Wóznamjeńśo pśez nakśickowanje njecwibelnje togo kandidata, kótaremuž cośo swój głos daś. Źiwajśo pśi wótedaśu głosa pšosym na to, až se njewótedajo wěcej ako jaden głos, howacej jo głosowański lisćik njepłaśiwy!
Jo-lic pśi wuskałanju jano jaden kandidat pśizwólony, ma se do jadnogo krejsa pla teju słowowu “jo” abo “ně” kśicka stajiś.
—
6.
Głosowański lisćik musy se wót wuzwólowarja we wólbnej kabinje wólbnego lokala wóznamjeniś. We wólbnej kabinje njesmějo se fotografěrowaś abo filmowaś.
—
7.
Wuzwólowański akt ako teke jomu se pśizamknjece zwěsćenje wuzwólowańskego wuslědka we wólbnem wobcerku stej zjawnej. Kuždy ma pśistup, tak daloko ako jo to bźez mólenja wólbneje procedury móžne.
—
| 8. | |
| Wuzwólowarje, kenž maju wuzwólowańske łopjeno, mógu wuzwólowaś w tom wólbnem teritoriju / wólbnem wokrejsu, w kótaremž jo wuzwólowańske łopjeno wupisane | |
| a) | pśez wótedaśe głosa w kuždyckem wólbnem wobcerku togo wólbnego teritorija /wólbnego wokrejsa abo |
| b) | z listowym wuzwólowanim. |
Do wuzwólowanja wopšawnjona wósoby, kenž njama wuzwólowańske łopjeno, móžo swój głos jano w tom za nju pśisłušnem wólbnem lokalu wótedaś.
Chtož co z listowym wuzwólowanim wuzwólowaś, musy sebje pla pśisłušnego wuzwólowańskego zastojnstwa
gmejna Gołkojce, Barlinska droga 19, 03099 Gołkojce
wobstaraś amtski głosowański lisćik, amtsku wobalku za głosowański lisćik ako teke amtsku wólbnu listowu wobalku a swój wólbny list z głosowańskim lisćikom (w zacynjonej wobalce głosowańskego lisćika) a pódpisanym wuzwólowańskim łopjenom tak scasom na to na wólbnej listowej wobalce pódane městno wótpósłaś, až list tam nanejpózdźej na wólbnem dnju do 18.00 góźin dojźo. Wólbny list móžo se teke na tom na wólbnej listowej wobalce pódanem městnje až do 18.00 góźin wótedaś.
Pśi móžnem wuzwólowanju se zakóńcyjo cas 22. měrca 2026 zeger 18 zeger. Pó dojźenju wólbnego lista pla wuzwólowańskego wjednika njesmějo se ten wěcej slědk daś.
| Za wótedaśe głosa z listowym wuzwólowanim płaśe slědujuce rědowanja: | |
| 1. | Do wuzwólowanja wopšawnjona wósoba wóznamjenijo sama za se a wót drugich njewiźone swój głosowański lisćik. |
| 2. | Wóna scynijo głosowański lisćik wót drugich njewiźone do amtskeje wobalki za głosowański lisćik a zacynijo tu. |
| 3. | Wóna pódpišo z pódaśim městna a dnja to na wuzwólowańskem łopjenje pśedśišćane wobwěsćenje město pśisegi za listowe wólby. |
| 4. | Wóna scynijo zacynjonu wobalku za głosowański lisćik a pódpisane wuzwólowańske łopjeno do amtskeje wólbneje listoweje wobalki. |
| 5. | Wóna zacynijo wólbnu listowu wobalku a wótpósćelu tu na pśisłušnego wuzwólowańskego wjednika. |
Jo se do wuzwólowanja wopšawnjona wósoba na głosowańskem lisćiku zapisała, jo ten abo wobalku za głosowański lisćik sknicyła, tak se jej na pominanje nowe pódłožki listowych wólbow do rukowu daju. Wuzwólowańske zastojnstwo wobchowajo stary głosowański lisćik abo wobalku za głosowański lisćik.
Za wótedaśe głosa zbrašnych wuzwólowarjow płaśi slědujuce: Jo dała do wuzwólowanja wopšawnjona wósoba głosowański lisćik wót pomocneje wósoby wóznamjeniś, toś ma ta z pódpisanim wobwěsćenja město pśisegi wobkšuśiś, až jo głosowański lisćik pó wóli do wuzwólowanja wopšawnjoneje wósoby wóznamjeniła.
Wótewzejo-lic do wuzwólowanja wopšawnjona wósoba wósobinski wuzwólowańske łopjeno a pódłožki listowych wólbow pla wuzwólowańskego zastojnstwa, dostanjo móžnosć, listowe wólby ned na městnje wugbaś.
—
9.
Do wuzwólowanja wopšawnjone wósoby, kenž su akle k ewentualnemu wuskałanju 22. měrca 2026 do wuzwólowanja wopšawnjone abo kenž njejsu do wuzwólowarskego zapisa zapisane a kenž su južo za wuzwólowanje dnja 8. měrca 2026 wuzwólowańske łopjeno dostali, dostanu pó pśedpisach Komunalnego wólbnego pórěda pó zastojnsku wuzwólowańske łopjeno za wuskałanje.
Do wuzwólowanja wopšawnjonym wósobam, kenž su za wuzwólowanje dnja 8. měrca 2026 wuzwólowańske łopjeno z pódłožkami listowych wólbow dostali, se za wuskałanje pó zastojnsku zasej wuzwólowańske łopjeno a pódłožki listowych wólbow wupišu a pśipósćelu, nic pak, gaž wujźo z póžedanja, až kśě pśi wuskałanju w swójo wólbnem wobcerku wuzwólowaś.
—
10.
Kuždy do wuzwólowanja wopšawnjony móžo swójo wuzwólowańske pšawo jano jaden raz a jano wósobinski wugbaś.
Chtož njewopšawjony wuzwólujo abo teke howacej k njepšawemu rezultatoju wuzwólowanja dowjeźo abo wuslědk sfalšujo se wótštrofujo z pokutu z popajźenim až do 5 lět abo z pjenjezneju pokutu; teke wopytanje se wótštrofujo (§ 107a wótstawk 1 do 3 Pokuśeńskich kazniskich knigłow).
Gołkojce, dnja 20. februara 2026