Wózjawjenje
wó pšawje na póglědnjenje do zapisa wuzwólowarjow a wuźělenju wuzwólowańskich łopjenow za wuzwólowanje krajnego raźca wokrejsa Sprjewja-Nysa dnja 08. měrca 2026
1. Do wuzwólowanja wopšawnjone wósoby, kenž su do zapisa wuzwólowarjow zapisane, dostanu až do 15. februara 2026 wólbnu pówěźeńku.
Wuzwólowaś móžo jano, chtož jo do zapisany do zapisa wuzwólowarjow, abo chtož ma wuzwólowańske łopjeno.
2. Zapis wuzwólowarjow lažy na wšednych dnjach wót 16. februara až do 20. februara 2026 pla Města Spremberg/Grodk w bergarskem běrowje, Pśi marku 2 (Bergarski dom) w 03130 Spremberg/Grodk za kuždego k póglědnjenju k dispoziciji.
Póglědnjenje jo w górjejce pódanem casu w slědujucch słužbnych góźinach bergarskego běrowa móžne:
| pónjeźele | 8.00 do 12.00 góźin |
| wałtoru | 8.00 do 12.00 góźin a 13.00 do 18.00 góźin |
| srjodu | zacynjone |
| stwórtk | 8.00 do 12.00 góźin a 13.00 do 16.00 góźin |
| pětk | 8.00 do 12.00 góźin |
Do zapisa wuzwólowarjow wólbnego wobceŕka zapišu se pó zastojnsku wše do wuzwólowanja wopšawnjone wósoby, kenž su dnja 25. januara 2026 (wustajony źeń) we wólbnem wobceŕku pó pśedpisach zwězkoweje pśizjawjeńskeje kazni pśizjawjone. Do wuzwólowanja wopšawnjona wósoba z głownym a pódlańskim bydlenim w zmysle zwězkoweje pśizjawjeńskeje kazni se do zapisa wuzwólowarjow wólbnego wobceŕka zapišo, w kótaremž jo 25. januara 2026 z jadnučkim abo głownym bydlenim pśizjawjona. Zapis wuzwólowarjow wjeźo se w awtomatizěrowanej formje. Póglědanje jo z datowym wuwidnjakom móžne.
Kužda do wuzwólowanja wopšawnjona wósoba móžo pšawosć a dopołnosć swójich do zapisa wuzwólowarjow zapisanych datow pśekontrolěrowaś. K pśekontrolěrowanju pšawosćí abo dopołnosći datow drugich do zapisa wuzwólowarjow zapisanych maju do wuzwólowanja wopšawnjone wósoby w górjejce pomjenjejonem casu jano pón pšawo na póglědanje do zapisa wuzwólowarjow, gaž mógu pśeznanjecy na fakty pokazaś, z kótarychž njepšawosć abo njedopołnosć zapisa wuzwólowarjow wujś móžo. Pšawo na pśekontrolěrowanje njewobstoj pla datow do wuzwólowanja wopšawnjonych wósobow, za kótarež jo zapisany w pśizjawjeńskem registrje zakaz informěrowanja pó § 51 zwězkoweje pśizjawjeńskeje kazni.
Wuzwólowaś móžo jano, chtož jo do zapisa wuzwólowarjow zapisany abo chtož ma wuzwólowańske łopjeno.
3. a) Póžedanja na zapisanje do zapisa wuzwólowarjow
Pó § 10 wótstawk 1 sada 2 Bramborskeje komunalneje wólbneje kazni (BbgKWahlG) a § 14 wótstawk 2 sada 2 Bramborskego komunalnego wólbnego póstajenja (BbgKWahlV) se zapišo do wuzwólowanja wopšawnjona wósoba, kótarejež głowne bydlenje zwenka wólbnego teritorija lažy, do zapisa wuzwólowarjow na městnje pódlańskego bydlenja, gaž ma how swójo stawne pśebywanje w zmysle Bergarskich kazniskich knigłow.
Do wuzwólowanja wopšanjona wósoba, kenž bźeze bydlenja normalnje we wólbnem teritoriju pśebywa, se pó § 14 wótstawk 4 Bramborskego komunalnego wólbnego póstajenja (BbgKWahlV) na póžedanje do zapisa wuzwólowarjow zapišo. Do wuzwólowanja wopšawnjony bergaŕ Europejskeje unije, kenž njemusy se pśizjawiś, se pó § 14 wótstawk 5 BbgKWahlV na póžedanje do zapisa wuzwólowarjow zapišo.
Póžedanja na zapisanje do zapisa wuzwólowarjow maju se pisnje abo ako wuzwjawjenje k zapisanju nanejpózdźej až do 21. februara 2026 stajiś. W póžedanju muse stojaś familijowe mě, pśedmě, źeń naroźenja a, jo-lic taku dajo, dokradna adresa do wuzwólowanja wopšawnjoneje wósoby. Póžedanje stajeca wósoba ma wólbnemu zastojnstwoju wobwěsćiś, až njejo hyšći pśi žednom drugem wólbnem zastojnstwje zapisanje do zapisa wuzwólowarjow póžedała.
W padach § 10 wótstawk 1 sada 2 BbgKWahlG § 14 wótstawk 2 sada 2 BbgKWahlV ma wótpowědujuca wósoba w swójom póžedanju pó mustrje pśiłogi 1 k BbgKWahlV a wólbnemu zastojnstwoju w pśeznanjecej formje pśedstajiś, až ma na městnje pódlańskego bydlenja swójo stawnwe pśebywanje w zmysle Bergarskich kazniskich knigłow abo w paźe § 14 wótstawk 4 BbgKWahlV powšyknje we wólbnem teritoriju pśebywa.
Póžedanja ako wuzjawjenje k zapisanju mogu se stajaś jano w powšyknych wótwórjeńskich casach w bergarskem běrowje Města Spremberg/Grodk.
b) Spśeśiwjenje pśeśiwo zapisoju wuzwólowarjow
Kužda do wuzwólowanja wopšawnjona wósoba ma pšawo wót 16. februara az do 20. februara 2026 pisnje abo ako wuzwjawjenje k zapisanju spśeśiwjenje pśweśiwo zapisoju wuzwólowarjow zapódaś. Gaž twarźone fakty pśeznanjece njejsu, musy zapódawaŕ spśeśiwjenja dopokaze sobu zapódaś.
Pisne póžedanja na zapisanje do zapisa wuzwólowarjow abo pisnje wobkšuśone spśeśiwjenja pśeśiwo zapisoju wuzwólowarjow mógu se zapódaś w tom pód dypkom 2 górjejce pomjenjonem casu pla Města Spremberg/Grodk, wólbne zastojnstwo, Pśi marku 1 w 03130 Spremberg/Grodk. Rozsudne za doźaržanje casa jo pśidostaśe póžedanja abo spśeśiwjenja pla zastojnstwa. Póžedanja a spśeśiwjenja, kenž se wustnje k zapisanju pśednjasu, mógu se tejerownosći jano w tom pód dypkom 2 pomjenjonem casu w bergarskem běrowje Města Spremberg/Grodk, Pśi marku 2 w 03130 Spremberg/Grodk na wšednych dnjach w powšyknych wótwórjeńskich casach bergarskego běrowa stajiś abo zapódaś.
4. Wuzwólowańske łopjeno dostanjo na póžedanje
| a) | do zapisa wuzwólowarjow zapisana do wuzwólowanja wopšawnjona wósoba | |
| b) | do wuzwólowanja wopšawnjona wósoba, kenž njejo do zapisa wuzwólowarjow zapisana, | |
|
| - | gaž dopokazujo, až jo bźez swójskeje winy zakomuźiła cas stajenja póžedanja pó § 15 wótstawk 1 sada 1 BbgKWahlV abo cas spśeśiwjenja pó § 20 wótstawk 1 sada 2 BbgKWahlV, |
|
| - | gaž jo jeje pšawo na wobźělenje pśi wuzwólowanju nastało akle pó casu stajanja póžedanja pó § 15 wótstawk 1 sada 1 BbgKWahlV abo pó casu spśeśiwjenja pó § 20 wótstawk 1 sada 2 BbgKWahlV abo |
|
| - | gaž jo jeje pšawo na wuzwólowanje se zwěsćiło w spśeśiwjeńskem póstupowanju a zwěsćenje jo wólbnemu zastojnstwoju akle pó zakóńcenju zapisa wuzwólowarjow k wěsći dojšło. |
Wuzwólowańske łopjena mógu se póžedaś wót do zapisa wuzwólowarjow do wuzwólowanja wopšawnjonych wósobow až do 06. měrca 2026, 18.00 góźin, pla Města Spremberg/Grodk, Pśi marku 1, 03130 Spremberg/Grodk, wustnje abo pisnje. Telefoniske stajenje póžedanja njejo dowólone.
Wósobinske (wustne) stajenje póžedanja jo móžne wót 09. februara 2026 w slědujucych casach:
|
| pónjeźele | 9.00 do 15.00 góźin |
|
| wałtoru | 9.00 do 18.00 góźin |
|
| srjodu | 9.00 do 15.00 góźin |
|
| stwórtk | 9.00 do 18.00 góźin |
|
| pětk | 9.00 do 13.00 góźin |
we wólbneml běrowje Města Spremberg/Grodk, Milinarnjowa droga. 79 w 03130 Spremberg/Grodk.
W paźe dopokazanego njezjapkego schórjenja, dla kótaregož wuzwólojucy do wólbnego lokala pśiś njamóžo, abo jano pód njepśiśpiwajobnymi śěžkosćami tam dojś móžo, móžo se póžedanje hyšći až do wólbnego dnja 15.00 góźin stajiś.
Brašna wósoba móžo pśi stajenju póžedanja teke wužywaś pomoc wósoby swójeje dowěry.
Chtož stajijo póžedanje za drugu wósobu, musy z pśedpołoženim pisnego społnomócnjenja dopokazaś, až jo k tomu wopšawnjony.
5. Chtož ma wuzwólowańske łopjeno, móžo wuzwólowaś w kuždykem wólbnem wobcerku wólbnego teritorija abo pśez listowe wuzwólowanje.
6. Listowe wuzwólowanje
Njewujźo z póžedanja za wuzwólowarńskim łopjenom, lěc co do wuzwólowanja wopšawnjona wósoba w drugem wólbnem wobcerku abo z listowym wuzwólowanim wuzwólowaś, dostanjo z wuzwólowańskim łopjenom rownocasnje slědujuce pódłožki listowego wuzwólowanja:
za wuzwólowanje krajnego raźca wokrejsa Sprjewja-Nysa
| - | amtski głosowański lisćik wólbnego teritorija, |
| - | amtsku wólbnu wobalku, |
| - | amtsku wólbnu listowu wobalku a zaspomnjeńku za listowe wuzwólowanje. |
Wuzwólowańske łopjena a pódłožki listowego wuzwólowanja, kenž se z postom njerozpósćelu, wudawaju se na slědujuce wósoby:
| - | do wuzwólowanja wopšawnjonej wósobje wósobinski |
| - | wót do wuzwólowanja wopšawnjonej wósoby do póžedanja wuzwólowańskego łopjena społnomócnjonej wósobje |
| - | drugej ako do wuzwólowanja wopšawnjonej abo społnomócnjonej wósobje jano pón, gaž móžo pisne społnomócnjenje pśedpołožyś. |
Pśi listowem wuwzólowanju ma wuzwólowaŕ wólbny list tak scasom wótpósłaś, až ten nanejpózdźej na wólbnem dnju až do 18.00 góźin pśi tom na wólbnej listowej wobalce pódanem městno dojźo.
We wólbnem lisće muse byś w zacynjonej wólbnej listowej wobalce:
| a) | pódpisane wuzwólowańske łopjeno |
| b) | głosowański lisćik w zacynjonej wósebnej wobalce. |
Wólbny list móžo se teke na tom na wólbnej listowej wobalce pódanem městnje wótedaś. Dokradnjejše pokazki, kak ma wuzwólowarka/wuzwólowaŕ listowe wuzwólowanje wugbaś, stoje na zaspomnjeńce.
We Zwězkowej republice Nimska se wolbna listowa wobalka wót Nimskego posta AG dermo kołkujo a pósrědnijo.
Zgubjone wuzwólowańske łopjena a głosowańske lisćiki se njenarownaju. Wobwěsćijo do wuzwólowanja wopšawnjona wósoba pśeznanjecy, až póžedane wuzwólowańske łopjeno abo głosowański lisćik dojšeł njejo, móžo se jej až do zeger 15.00 na wólbnem dnju nowe wuzwólowańske łopjeno abo głosowański lisćik wudaś.
Pśiźo-lic do wuzwólowanja wopšawnjona wósoba wósobinski pó wuzwólowańske łopjeno a pódłožki listowego wuzwólowanja do wólbnego zastojnstwa, tak dajo se jej móžnosć, listowe wuzwólowanje ned wugbaś we wólbnem běrowje Města Spremberg/Grodk, Milinarnjowa droga79 w 03130 Spremberg/Grodk.
7. Wuskałanje
Ewentualne wuskałanje buźo 22. měrca 2026. W paźe wuskałanja se zapis wuzwólowarjow głownych wólbow dalej wjeźo.
Do wuzwólowanja wopšawnjone wósoby, kenž
| a) | su akle za wuskałanje do wuzwólowanja wopšawnjone abo |
| b) | njejsu do zapisa wuzwólowarjow zapisane a kenž su južo za prědne wuzwólowanje wuzwólowańske łopjeno dostali, |
dostanu pó pśedpisach komunalnego wólbnego póstajenja pó zastojnsku wuzwólowańske łopjeno za wuskałanje.
Wušej togo mógu se wuzwólowańske łopjena za ewentualne wuskałanje až do 20. měrca 2026 18.00 góźin pisnje pla wólbnego zastojnstwa Města Spremberg/Grodk abo wustnje we wólbneml běrowje Města Spremberg/Grodk, Milinarnjowa droga. 79 w 03130 Spremberg/Grodk w powšyknych wótwórjeńskich casach (Glej dypk 4) póžedaś. Howacej płaśe pód numerami 3 do 6 wopisane póstajenja.
Spremberg/Grodk, 23. januara 2026