Bekanntmachungen
1. Dnja 09. junija 2019 budu rownocasnje slědujuce wólby:
wólby do 10. Europejskego parlamenta
wólby do wokrejsnego sejma wokrejsa Sprjewa-Nysa (wólbny wokrejs 3)
wólby do zgromaźiny měsćańskich wótpósłanych Města Spremberg/Grodk
wólby do městnych pśiradow w městnych źělach Města Spremberg/Grodk
2. Do zapisa wuzwólowarjow móžo kuždy póglědnuś w casu wót 20. maja 2024 do 24. maja 2024 w bergaŕskem běrowje Města Spremberg/Grodk, Dwórnišćowa droga 1 (zachod z boka Grodoweje drogi) w 03130 Spremberg/Grodk.
Póglědanje jo móžne w powšyknych wótwórjeńskich casach bergaŕskego běrowa ako slěduju:
| pónjeźele | 08.00 do 12.00 góźin |
| wałtoru | 08.00 do 12.00 góźin a 13.00 do 18.00 góźin |
| srjodu | 08.00 do 12.00 góźin |
| stwórtk | 08.00 do 12.00 góźin a 13.00 do 16.00 góźin 0 |
| pětk | 08.00 do 12.00 góźin |
Do zapisa wuzwólowarjow wólbnego wobceŕka zapišu se pó zastojnsku wše do wuzwólowanja wopšawnjone wósoby, kenž su dnja 28. apryla 2024 (wustajony źeń) we wólbnem wobceŕku pó pśedpisach zwězkoweje pśizjawjeńskeje kazni pśizjawjone. Do wuzwólowanja wopšawnjona wósoba z głownym a pódlańskim bydlenim w zmysle zwězkoweje pśizjawjeńskeje kazni se do zapisa wuzwólowarjow wólbnego wobceŕka zapišo, w kótaremž jo 28. apryla 2024 z jadnučkim abo głownym bydlenim pśizjawjona. Zapis wuzwólowarjow wjeźo se w awtomatizěrowanej formje. Póglědanje jo z datowym wuwidnjakom móžne.
Kužda do wuzwólowanja wopšawnjona wósoba móžo pšawosć a dopołnosć swójich do zapisa wuzwólowarjow zapisanych datow pśekontrolěrowaś. K pśekontrolěrowanju pšawosćí abo dopołnosći datow drugich do zapisa wuzwólowarjow zapisanych maju do wuzwólowanja wopšawnjone wósoby w górjejce pomjenjejonem casu jano pón pšawo na póglědanje do zapisa wuzwólowarjow, gaž mógu pśeznanjecy na fakty pokazaś, z kótarychž njepšawosć abo njedopołnosć zapisa wuzwólowarjow wujś móžo. Pšawo na pśekontrolěrowanje njewobstoj pla datow do wuzwólowanja wopšawnjonych wósobow, za kótarež jo zapisany w pśizjawjeńskem registrje zakaz informěrowanja pó § 51 zwězkoweje pśizjawjeńskeje kazni.
Wuzwólowaś móžo jano, chtož jo do zapisa wuzwólowarjow zapisany abo chtož ma wuzwólowańske łopjeno.
3. Chtož ma zapis wuzwólowarjow za njepšawy abo njedopołny, móžo w casu wót 20. dnja do 16. dnja pśed wólbami, nanejpózdźej 24. maja 2024, do 12.00 góźin, zapódaś spśesiwjenje w bergaŕskem běrowje Města Spremberg/Grodk, Dwórnišćowa droga 1 w 03130 Spremberg/Grodk.
Spśeśiwjenje móžo se pisnje abo ako wuzwjawjenje k zapisanju zapódaś.
4. Do wuzwólowanje wopšawnjone wósoby, kenž su do zapisa wuzwólowarjow zapisane, dostanu nejpózdźej až do 19. maja 2024 wólbnu pówěźeńku z wóznamjenjenim wólby, za kótarež pšawo wuzwólowanja wobstoj.
Chtož wólbnu pówěźeńku dostał njejo, se pak mysli, až jo do wuzwólowanja wopšawnjony, musy zapódaś spśeśiwjenje pśeśiwo zapisoju wuzwólowarjow, gaž njoco do tšachoty pśiś, až swójo wólbne pšawo wugbaś njamóžo.
Do wuzwólowanja wopšawnjone, kenž su se jano na póžedanje do zapisa wuzwólowarjow zapisali a kenž su južo póžedali wólbne łopjeno a pódłožki listowego wuzwólowanja njedostanu wólbnu powěźeńku.
| 5. Chtož ma wuzwólowańske łopjeno za | |
| a) | wólby do 10. Europejskego parlamenta, móžo se na wuzwólowanju we wokrejsu Sprjewa-Nysa wobźěliś pśez wótedaśe głosa w kuždyckem wólbnem lokalu wokrejsa abo z listowym wuzwólowanim. |
| b) | wólby do wokrejsnego sejma Sprjewa-Nysa (wólbny wokrejs 3) móžo se w Měsće Spremberg/Grodk wobźěliś na wuzwólowanju pśez wótedaśe głosa w kuždyckem wólbnem lokalu Města Spremberg/Grodk abo z listowym wuzwólowanim |
| c) | wólby do zgromaźiny měsćańskich wótpósłanych Města Spremberg/Grodk, móžo w Měsće Spremberg/Grodk se wobźěliś na wuzwólowanje pśez wótedaśe głosa w kuždyckem wólbnem lokalu Města Spremberh/Grodk abo z listowym wuzwólowanim. |
| d) | wuzwólowanje do měsćańskego sejma Spremberg/Grodk a za wuzwólowanje do městneje pśirady Města Spremberg/Grodk (zgromadne wuzwólowánske łopjeno), móžo se na wuzwólowanju wobźěliś pśez wótedaśe głosa w kuždyckem wólbnem lokalu/we tom wólbnem lokalu městnego źěla abo z listowym wuzwólowanim. |
|
|
| 6. Wuzwólowańske łopjeno dostanjo na póžedanje | ||
| I. za europawólby | ||
| a) | do zapisa wuzwólowarjow zapisana do wuzwólowanja wopšawnjona wósoba, | |
| b) | do zapisa wuzwólowarjow njezapisana do wuzwólowanja wopšawnjona wósoba, | |
|
| - | gaž dopokazujo, až jo bźeze swójskeje winy zakomuźiła cas stajenja na zapisanje do zapisa wuzwólowarjow pla Nimcow pó § 17 wótstawk 1 europejskego wólbnego pórěda, pla bergarjow unije pó § 17a wóstawk 2 europejskego wólbnego pórěda až do 19. maja 2024 (21. źeń pśed wólbami) abo gaž jo zakomuźiła cas spśeśiwjenja pśeśiwo zapisoju wuzwólowarjow pó § 21 wótstawk 1 europejskego wólbnego pórěda až do 24. maja 2019 (16. źeń pśed wólbami), abo |
|
| - | gaž jo jeje pšawo na wobźělenje pśi wuzwólowanju nastało akle pó casu stajanja póžedanja pó § 17 wótstawk 1 europejskego wólbnego pórěda, pla bergarjow unije pó § 17a wótstawk 2 europejskego wólbnego pórěda abo pó casu spśeśiwjenje pó § 21 wótstawk 1 europejskego wólbnego pórěda, |
| - | gaž jo se jeje pšawo na wuzwólowanje zwěsćiło w spśeśiwjeńskem póstupowanju a zwěsćenje jo gmejnskemu zastojnstwoju akle pó zakóńcenju zapisa wuzwólowarjow k wěsći dojšło. |
| II. za komunalne wólby | ||
| a) | do zapisa wuzwólowarjow zapisana do wuzwólowanja wopšawnjona wósoba, | |
| b) | do zapisa wuzwólowarjow njezapisana do wuzwólowanja wopšawnjon wósoba, | |
|
| - | gaž dopokazujo, až jo bźeze swójskeje winy zakomuźiła cas pórěźenja zapisa wuzwólowarjow (§ 23 Abs. 3 Satz 2 BbgKWahlG) |
|
| - | gaž jo jeje pšawo na wobźělenje pśi wuzwólowanju nastało akle pó casu pórěźenja zapisa wuzwólowarjow (§ 23 Abs. 3 Satz 2 BbgKWahlG). |
Wuzwólowańske łopjena mógu se póžedaś wót do zapisa wuzwólowarjow do wuzwólowanja wopšawnjonych wósobow až do 07.06.2024, 18.00 góźin, pla Města Spremberg/Grodk, Pśi marku 1, 03130 Spremberg/Grodk, wustnje abo pisnje. Telefoniske stajenje póžedanja njejo dowólone.
Wósobinske (wustne) stajenje póžedanja jo móžne wót 21.05.2024 w slědujucych casach:
| pónjeźele | 09.00 do 12.00 góźin |
|
| wałtoru | 09.00 do 12.00 góźin a | 13.00 do 17.30 góźin |
| stwórtk | 09.00 do 12.00 góźin a | 13.00 do 16.00 góźin |
we wólbneml běrowje Města Spremberg/Grodk, Milinarnjowa droga. 79 w 03130 Spremberg/Grodk.
W paźe dopokazanego njezjapkego schórjenja, dla kótaregož wuzwólojucy do wólbnego lokala pśiś njamóžo, abo jano pód njepśiśpiwajobnymi śěžkosćami tam dojś móžo, móžo se póžedanje hyšći až do wólbnego dnja 15.00 góźin stajiś.
Wobwěsćijo do wuzwólowanja wopšawnjona wósoba pśeznanjecy, až jej póžedane wuzwólowańske łopjeno dojšło njejo, móžo se jej až do dnja pśed wuzwólowanim, 12:00 góźin, nowe wuzwólowańske łopjeno wuźěliś.
Do zapisa wuzwólowarjow njezapisane wósoby mógu z tych pód dypkom 6 I b pódanych zawinow póžedanje na wuźělenje wuzwólowańskego łopjena hyšći až do wólbnego dnja, 15.00 góźin stajiś.
Chtož stajijo póžedanje za drugego, musy z pśedpołoženim pisnego społnomócnjenja dopokazaś, až jo k tomu wopšawnjony. Zbrašny do wuzwólowanja wopšawnjony móžo pśi stajanju póžedanja wužywaś pomoc drugege wósoby.
| 7. Pódłožki listowego wuzwólowanja | |
| Njewujźo-lic z póžedanja za wuzwólowańskim łopjenom, lěc co do wuzwólowanja wopšawnjony wósoba w drugem wólbnem wobceŕku abo z listowym wuzwwólowanim wuzwólowaś, dostanjo z wuzwólowańskim łopjenom rownocasnje slědujuce pódłožki listowego wuzwólowanja: | |
| I. Europawólby | |
| Z běłym wuzwólowańskim łopjenom dostanjo do wuzwólowanja wopšawnjona wósoby: | |
| - | amtski běły głosowański lisćik wólbnego wokrejsa |
| - | amtsku běłu wobalku za głosowański lisćik |
| - | amtsku wólbnu listowu wobalku z adresu, na kótaruž ma se wólbny list slědk pósłaś, |
| - | zaspomnjeńku za listowe wuzwólowanje |
| II. Wólby do wokrejsnego sejma | |
| Ze žołtym wuzwólowańskim łopjenom dostanjo do wuzwólowanja wopšawnjona wósoba: | |
| - | amtski cremebarwny głosowański lisćik za wólby do wokrejsnego sejma, |
| - | amtsku cremebarwnu wobalku za głosowański lisćik, |
| - | amtsku wólbnu listowu wobalku z adresu, na kótaruž ma se wólbny list slědk pósłaś, |
| - | zaspomnjeńku za listowe wuzwólowanje |
III. Wólby do zgromaźiny měsćańskich wótpósłanych a městnych pśiradow
Ze swětłozelenym wuzwólowańskim łopjenom dostanjo do wuzwólowanja wopšawnjona wósoba:
| - | amtski głosowański lisćik za wólby do do zgromaźiny měsćańskich wótpósłanych (swětłomódry) a/abo za městnu pśiradu (swětłowioletny) |
| - | amtsku swětłomšeru wobalku za głosowański lisćik, |
| - | amtsku swětłozelenu wólbnu listowu wobalku z adresu, na kótaruž ma se list slědk pósłaś, |
| - | zaspomnjeńku za listowe wuzwólowanje. |
Wótewześe wólbnych łopjenow a pódłožkow za listowwe wuzwólowanje za drugego jo jano móžne, gaž se wopšawnjenje za pśiwześe pódłožkow z pisnym społnomócnjenim dopokazujo a wopšawnjona wósoba wěcej ako styrjoch do wuzwólowanja wopšawnjonych njezastupujo; to ma wuzwólowańskemu zastojnstwoju pśed pśiwześim pódłožkow pisnje wobwěsćiś. Na pominanje ma se społnomócnjona wósoba wupokazaś.
We wólbnych listach muse byś we zacynjonych wuzwólowańskich wobalkach:
| a) | wuzwólowańske łopjeno |
| b) | głosowański lisćik respektiwnje głosowańske lisćiki we wósebnej zacynjonej wobalce |
Pśi listowem wuzwólowanju musy wuzwólujuca wósoba wuzwólowański list z głosowańskim lisćikom a wuzwólowańskim łopjenom tak scasom na pódane městno wótpósłaś, až wólbny list tam nejpózdźej na wuzwólowańskem dnju do 18.00 gózin dojźo.
Wólbny list se we Zwězkowej republice Nimska bźeze wósebneje pśepósłańskeje formy jano wót Nimskego posta AG dermo pósrědnijo. Wón móžo se teke na tom na wólbnem lisće pódanem městnje wótedaś. Nadrobnjejše pokazki k tomu, kak maju do wuzwólowanja wopšawnjone wósoby listoswe wuzwólowanje wugbaś, pódajo zaspomnjeńka za listowe wuzwólowanje.
Zgubjone wuzwólowańske łopjena a głosowańske lisćiki se njenarownaju. Wobwěsćijo do wuzwólwanja wopšawnjona wósoba pśeznanjecy, až jej póžedane wuzwólowańske łopjeno abo głosowański lisćik dojšłej njejstej, móžo se jej až do 15.00 góźin na dnju wólbow nowe wuzwólowańske łopjeno abo głosowański liscik wudaś.
Pśiźo-lic do wuzwólowanja wopšawnjona wósoba wósobinski pó wuzwólowańske łopjeno a pódłožki listowego wuzwólowanja do wólbnego zastojnstwa, tak dajo se jej móžnosć, listowe wuzwólowanje ned wugbaś we wólbnem běrowje Města Spremberg/Grodk, Milinarnjowa droga79 w 03130 Spremberg/Grodk.
Spremberg/Grodk, 19. apryla 2024