Zgromadne wólbne wózjawjenje za zwězane wólby do Europejskego parlamenta a za komunalne wólby dnja 09. junija 2024

1.

Dnja 09. junija 2024 budu slědujuce wólby w samem casu:

Wólba do 10. Europejskego parlamenta

Wólba wokrejsnego sejma wokrejsa Sprjewja Nysa (wólbny wokrejs 3)

Wólba zgromaźiny měsćańskich wótpósłańcow města Grodk/Spremberg

Wólba městnych pśiradow w měsćańskich źělach Konopotna/Cantdorf, Syjk/Graustein, Łojow/Groß Luja, Gózdź/Haidemühl, Lěšće/Hornow, Lěsk/Lieskau, Prašyjca/Schönheide, Carna Plumpa/Schwarze Pumpe, Zelezna/Sellessen, Terpje/Terpe, Dubrawa/Trattendorf, Zakrjow/Türkendorf, Zakrjejc/Wadelsdorf a Wjaska/Weskow

Wólba (wótedaśe głosow) se zachopijo zeger 08.00 a se skóncyjo zeger 18.00.

2.

Město se rozrědujo do 29 wólbnych wobceŕkow. W wuzwólowańskich powěźeńkach, kenž su se k wuzwólowanju wopšawnjonym wósobam do 19. maja 2024 pśipósłali, stej zapisanej wólbny wobceŕk a wólbny lokal, w kótaremž jo móžno wuzwólowaś.

3.

Kužda do wuzwólowanja wopšawnjona wósoba móžo jano w tom wólbnem lokalu togo wólbnego wobceŕka wuzwólowaś, do kótaregož zapisa wuzwólowarjow jo zapisana.

Wuzwólowaŕki a wuzwólowarje maju swóju wuzwólowańsku powěźeńku a swój personalny wupokaz, staśanki a staśany unije płaśecy dopokaz identity abo drogowański pas, za wuzwólowanje sobu pśinjasć. Wuzwólowańsku powěźeńku deje wótedaś pśi wuzwólowanju.

Wuzwólujo se z amtski zgótowanymi głosowańskimi lisćikami. Kužda do wuzwólowanja wopšawnjona wósoba dostanjo pśi zastupjenju do wólbnego lokala jaden głosowański lisćik za kuždu wólbu, za kótaruž jo do wuzwólowanja wopšawnjona, do rukowu. Głosowański lisćik resp. lisćiki musy wuzwólowaŕka abo wuzwólowaŕ we wólbnej kabinje wólbnego lokala abo we wósebnej pśibocnej jśpě wobznamjeniś a tak złožyś, až jogo/jeje wótedaśe głosa póznaś njejo (pótajmne wuzwólowanje).

Pśi tom płaśi to slědujuce:

a)

Europawólba

Kužda do wuzwólowanja wopšanjona wósoba ma jaden głos.

Głosowański lisćik jo w běłej barwje. Na njom stoje pśecej pód pókšacujucym numerom pomjenjenje strony a jeje krotke pomjenjenje resp. pomjenjenje howacnego politiskego zjadnośeństwa a jogo krotke pomjenjenje ako teke prědne 10 kandidatki abo kandidaty pśizwólonych wuzwólowańskich naraźenjow a napšawo wót pomjenjenja wopšawnjonego za wuzwólowańske naraźenje krejz za wobznamjenje.

Do wuzwólowanja wopšawnjona wósoba wótedajo swój głos na tu wašnju, až na pšawem boce głosowańskego lisćika z do krejza stajoneju kśicku abo na hynakšu wašnju jasnje wobznamjenijo, kótaremu wuzwólowańskemu naraźenjoju dej płaśeś.

b)

Wólba wokrejsnego sejma

Głosowański lisćik jo w barwje creme. Na njom stoje pśizwólone wuzwólowańske naraźenja za wólbny wokrejs 3.

Pśi wótedaśu głosa k wólbje za wokrejsny sejm musy do wuzwólowanja wopšawnjona wósoba źiwaś na to slědujuce:

-

kužda do wuzwólowanja wopšawnjona wósoba ma tśi głose,

-

mjenja kandidatkow a kandidatow, kótarymž wuzwólowaŕka/wuzwólowaŕ głos dajo, muse byś jasnje nakśickowane,

-

jo móžno jadnej kandidatce/jadnemu kandidatoju až do tśich głosow daś

-

jo teke móžno głose Walkeim kandidatkam a kandidatam jadnogo wuzwólowańskego naraźenja daś, njewótwisnje wót rěda we wuzwólowańskem naraźenju,

-

jo teke móžno głose daś kandidatkam a kandidatam rozdźělnych wuzwólowańskich naraźenjow.

Gaž se pódawa na głosowańskem lisćiku wěcej ako tśi głose, jo cełkowny głosowański lisćik njepłaśiwy.

c)

Wólba zgromaźiny měsćańskich wótpósłańcow

Głosowański lisćik jo w swětłomódrej barwje. Na njom stoje pśizwólone wuzwólowańske naraźenja za wólbny teritorij.

Pśi wótedaśu głosa k wólbje zgromaźiny měsćańskich wótpósłańcow musy do wuzwólowanja wopšawnjona wósoba źiwaś na to slědujuce:

-

kužda do wuzwólowanja wopšawnjona wósoba ma tśi głose,

-

mjenja kandidatkow a kandidatow, kótarymž wuzwólowaŕka/wuzwólowaŕ głos dajo, muse byś jasnje nakśickowane,

-

jo móžno jadnej kandidatce/jadnemu kandidatoju až do tśich głosow daś

-

jo teke móžno głose Walkeim kandidatkam a kandidatam jadnogo wuzwólowańskego naraźenja daś, njewótwisnje wót rěda we wuzwólowańskem naraźenju,

-

jo teke móžno głose daś kandidatkam a kandidatam rozdźělnych wuzwólowańskich naraźenjow.

Gaž se pódawa na głosowańskem lisćiku wěcej ako tśi głose, jo cełkowny głosowański lisćik njepłaśiwy.

d)

Wólba městnych pśiradow

Głosowański lisćik jo w swětłowioletnej barwje. Na njom stoje pśizwólone wuzwólowańske naraźenja za wólbny teritorij (měsćański źěl).

Pśi wótedaśu głosa k wólbje zgromaźiny měsćańskich wótpósłańcow musy do wuzwólowanja wopšawnjona wósoba źiwaś na to slědujuce:

-

kužda do wuzwólowanja wopšawnjona wósoba ma tśi głose,

-

mjenja kandidatkow a kandidatow, kótarymž wuzwólowaŕka/wuzwólowaŕ głos dajo, muse byś jasnje nakśickowane,

-

jo móžno jadnej kandidatce/jadnemu kandidatoju až do tśich głosow daś

-

jo teke móžno głose wšakim kandidatkam a kandidatam jadnogo wuzwólowańskego naraźenja daś, njewótwisnje wót rěda we wuzwólowańskem naraźenju,

-

jo teke móžno głose daś kandidatkam a kandidatam rozdźělnych wuzwólowańskich naraźenjow.

Gaž se pódawa na głosowańskem lisćiku wěcej ako tśi głose, jo cełkowny głosowański lisćik njepłaśiwy.

4.

Wuzwólowanje ako teke se pśizamkujuce wulicenje a zwěsćenje wuzwólowańskich wuslědkow we wólbnem wobceŕku stej zjawnej. Kuždy ma pśistup, tak daloko až jo to bźeze mólenja wólbnego procedere móžno.

Wólbny zastojaŕ we danem wólbnem wobceŕku ma se staraś wó měr a rěch we wólbnem lokalu. Z tym jo wón wopšawnjony, wósoby, ako kaze wólbu resp. wulicenje, wupokazaś z městna.

5.

Wuzwólowaŕki a wuzwólowarje, kenž maju wuzwólowańske łopjena, mógu se w danem wólbnem wokrejsu resp. wólbnem teritoriji, w kótaremž wuzwólowańske łopjeno płaśi

a)

z wótedaśim głosa w někakem wólbnem wobceŕku togo wólbnego wokrejsa resp. wólbnego teritorija abo

b)

se z listowym wuzwólowanim

wobźěliś na wuzwólowanju.

6.

Chtož co wuzwólowaś z listowym wuzwólowanim, musy sebje pla wólbnego zastojnstwa za kuždu wólbu wósebnje, za kótaruž jo wopšawnjony, wobstaraś amtski głosowański lisćik, amtsku wobalku za głosowański lisćik ako teke amtsku wobalku za wólbny list. Wóna/wón musy swóje wólbne listy z danym głosowańskim lisćikom a z pódpisanym wuzwólowańskim łopjenom tak scasom městnoju pśipósłaś, kótarež jo na wobalce za wólbny list pódane, až dany wólbny list tam dojźo nanejpózdźej na wólbnem dnju do zeger 18.00. Wólbny list móžo se teke wótedaś pla městna, ako jo pódane na wobalce za wólbny list.

Pšosym źiwajśo na to, až muse wólbne listy k wólbje za wokrejsny sejm pśedlažaś wokrejsnemu wólbnemu wjednikoju, ako sejźi w Baršću (adresa na zwenkownej wobalce za wólbny list), na wólbnem dnju až do zeger 18.00 w Baršću.

Wólbne listy k wólbje do Europejskego parlamenta, k wólbje zgromaźiny měsćańskich wótpósłańcow Grodk/Spremberg tak ako k wólbje městnych pśiradow we měsćańskich źělach města Grodk/Spremberg muse na wólbnem dnju až do zeger 18.00 dochadaś pla wólbnego wjednika města Grodk/Spremberg.

Wótedaśe wólbnych listow na wólbnem dnju we wólbnem lokalu njejo móžno.

Za to, až wólbny list scasom dojźo k zagronitemu wólbnemu wjednikoju, jo kuždy wuzwólowaŕ/kužda wuzwólowaŕka sami zagronity(a).

7.

Kužda do wuzwólowanja wopšawnjona wósoba smějo swójo wuzwólowańske pšawo jano jaden raz a jano wósobinski wugbaś.

To płaśi teke za do wuzwólowanja wopšawnjone wósoby, kenž su rownocasnje w drugem cłonkojskem staśe Europejskeje unije k tomu wopšawnjone, wuzwóliś Europejski parlament (§ 6 wótstawk 4 Europejskeje wólbneje kazni).

Chtož njewopšawnjony wuzwólujo, njepšawy rezultat wuzwólowanja zawinujo abo rezultat sfalšujo, se wótštrofujo z popajźenim až do 5 lět abo z pjenjezneju pokutu. Wopytanje togo se pokuśi (§ 107a wótstawk 1 a 3 Pokuśeńskich kazniskich knigłow).

Zwěsćenje wuslědkow wuzwólowanja se wótměwa njepósrědnje pó wuzwólowanju wót zeger 18.00 we wólbnych lokalach wšych wólbnych wobceŕkow.

Zwěsćenje wuzwólowańskich wuslědkow a wuslědkow listowego wuzwólowanja stej zjawnej.

Zwěsćenje wuslědkow listowego wuzwólowanja:

a)

Wólba za wokrejsny sejm

Wósebne zwěsćenje wuslědkow listowego wuzwólowanja k wólbje za wokrejsny sejm se zachopijo zeger 18.00 we Wokrejsnem domje, Droga Heinricha Heinego 1 w 03149 Baršć. Pśedsedaŕstwa listowego wuzwólowanja stupaju gromadu zeger 15.00, aby pśedwobźěłali wólbne listy (§ 67 wótstawk 5 Bramborskeje kazni za komunalne wólby - BbgKWahlG).

b)

Wólba do 10. Europejskego parlamenta,

zgromaźiny měsćańskich wótpósłańcow Grodk/Spremberg a městnych pśiradow we měsćańskich źělach města Grodk/Spremberg

Zwěsćenje wuslědkow listowego wuzwólowanja za wólbu do 10. Europejskego parlamenta, do zgromaźiny měsćańskich wótpósłańcow Grodk/Spremberg a městnych pśiradow w měsćańskich źěłach města Grodk/Spremberg se wótměwa wót zeger 18.00 w zakładnej šuli "Kollerberg" na Zedlitzowej droze 1 w Grodku/Spremberg a se zachopijo z wulicenim głosow. Pśedsedaŕstwa listowego wuzwólowanja stupaju gromadu zeger 14.00, aby pśedwobźěłali wólbne listy (§ 67 wótstawk 5 Bramborskeje kazni za komunalne wólby – BbgKWahlG). Rumnosći za wulicenje se wótpowědnje markěruju.

8.

Pokazki k reprezentatiwnej wólbnej statistice k Europawólbje

We wólbnem wobceŕku 10 Grodk, Wiesenwegschule, Łucny puś 22, a we wólbnem wobceŕku 19, w měsćańskem źělu Wjaska, gósćeńc Schilfhütte, Gólny měr 13, wužywaju głosowańske lisćiki za statistiske wulicenja, na kótarychž stej zapisanej rod a lěto naroźenja w 6 starstwowych kupkach. Ten procedere jo rědowany a pśizwólony w kazni wó powšyknej a wó reprezentatiwnej wólbnej statistice pśi wólbje k Nimskemu zwězkowemu sejmoju a pśi wólbje wótpósłańcow Europejskego parlamenta ze Zwězkoweje republiki Nimska (Kazń k wólbnej statistice – WstatG) wót 21. maja 1999 (Zwězkowe kazniske łopjeno – BGB1. I bok 1023), slědny raz změnjony pśez kazń wót 27. apryla 2013 (Zwězkowe kazniske łopjeno – BGB1. I bok 962).

Pśi wužywanju tych głosowańskich lisćikow jo pśekśiwjenje wólbnego pótajmstwa wuzamknjone.

Dalšne informacije móžośo se dopšašaś pśi měsće Grodk/Spremberg. Tam jo dostaś złožone informaciske łopjeno zwězkowego wólbnego wjednika.