De Piratensenner "Radio Caroline"
Illustration: Schiff „Ross Revenge“ Uwe Gloede, Maler und Zeichner, Insel Poel
Ostern 1964: De Senner „Radio Caroline“, London is mit dat afgewrackte Radioschipp „Mi Amigo“ up de hogen See för de britischen Küst ankamen un hett sienen Sennebetrieb anfungen. De Geschäftsmann un Musikverlegger Ronan O`Rahili hett dissen Schwartsenner grünnt. Ahn Lizenz bleew em nur de Weg to een Schipp in de „Drei-Meilen-Zone“ üm siene tahlrieken Hürers to errieken. De Erfolg gew em Recht von 1964 bet 1967 tröken runn een Dutzend Seesenner Millionen von Radiofrünnen von jung bet oll an un prägten eene ganze Generation. Mit de Hülp von denn` Piratensenner „Radio Caroline“ makte to`n Biespill Georgie Fame Enn 1964 mit sienen 1. Hit: „Yeh Yeh“ Karriere!
De Musiker Peter Frampton künn sick noch goot an de Musikdampers erinnern: „Sie waren großartig und haben die Menschen nicht nur prächtig unterhalten, sondern auch sehr viel zur Popularisierung der britischen Popmusik in aller Welt beigetragen. Ohne Sender wie „Radio Caroline“ und andere wären zum Beispiel Bands wie „The Who, „The Kinks“ und viele andere bestimmt nicht so groß geworden“. Ok för Sally Oldfield wieren de schwemmenden Popstationen Wegbegleiters. Se säd: „Ich war damals zwar noch ein Teenager, aber ich kann mich an „Radio Caroline“, London, und all die anderen erinnern, als sei es erst gestern gewesen. Ich denke, sie haben einen phantastischen Job gemacht. Schade, dass sie später einfach verboten wurden“.
De britischen Regierung wieren de unkontrollierte Sennetätigkeit vör ehr Küst in de Tat een Duurn in`t Oog! Dat duerte oewer noch fast dree Johren bet een Anti-Piraten-Gesetz erlaten wür!
Ierst, as nah een Schußwessel twüschen twee konkurrierenden Stationen een` von de Kontrahenten dot schaten wür, künn dat Piratenverbot dörchsett`t warden. All de Senners beennten denn` Betrieb mit prall gefüllten Bankkonto, wat sick dörch de väle Werbung oewer de Johren inspält harr. In Märzmaand 1968 is ok för „Radio Caroline“ dunn ierst mal Schluß wäst. Wägen vermeintlich unbetahlten Räknungen enterte de holländsche Versorgungsfirma dat Schipp un nehm denn` Piratensenner as Pand.
Later nehm de „Mi Amigo“ denn` Betrieb wedder up bet in Märzmaand 1980 een Storm dat Schipp to`n sinken bröcht hett. In eene dramatischen Rettungsaktschon warden de 4 Besatzungsmaten un de Kanaillenvagel „Wilson“ unversihrt rett`t.
1983 kihrt „Radio Caroline“ mit dat niege Schipp, de „Ross Revenge“ torügg. Allens is grötter, bäter, schöner, un „Radio Caroline“ kann in wieden Deelen von Europa up Middelwell enpfangen warden! De välen Hürers wieren begeestert!
Stellt Juuch vör, leew Läsers, ok hüüttodaag kann man „Radion Caroline“ noch hüren: via Satellit Astra 1c Transponder 35 un ok in`t Internet! Man seggt de Piratensenner is de eenzig Station von Hürern för de Hürers – dat is woll wahr!