De Frälänner Schnack mit Fruu Heckt

18. Junimaand 2024, Fräland: An dissen Dag schnackte Uwe Schmidt mit de ehemaligen Stadtpräsidentin Fruu Heckt oewer Vergangenheit un Tokunft von dat lütte Städtchen Fräland. Dat besünnere Amt hett se oewrigens mit väl Hartbloot nau 15 Johren bewältigt - À la bonne heure! Fruu Heckt vertellte, dat se ut Sadelkow stammte un all as jungsches Mäken Plattt rädt hett mit se ehren Öllern & Verwandten. Soans müßte se later in de School ierst mal dat Hochdüütsche annähmen üm mit denn` Ünnerricht kloor to kamen! As Chemielihrerin hett se ehren Ünnericht intressant un locker gestaltet. So kann ick mi noch erinnern, dat se eenen güllen Ring in Soltsüür schmäten hett un to eenen Schöler up Platt seggt hett: „Nimm de Hänn hoch un spääl di nich an de Knee!“ Dorto paßt ok de Hochdüütsche Sinnspröök: „Chemie ist das was knallt und stinkt – Physik ist das was nie gelingt!“ De Schnack güng wieder oewer Rööbenvertrecken up de Feller, Klassenfohrten nah Strolsund, Turnerie mit Lihrer Köhn un intressante Kinobesöke. Een bäten nahdenklich zeigte sick Fruu Heckt oewer de jetzige Schooltiet mit all ehren groten Problemen ( Lihrermangel, Stunnenutfall usw.). Uterdem nimmt de Einsamkeit bie denn` ollen Frälänner Lihrern to, wiel all väl von ehr storben sünd. Ok an de Fieerie to`n 1.Mai in de DDR-Tiet mit een roden Nelke in`n Knopplock un orrigen Ümtrunk nah de Marschiererie erinnerte sick de emsige Plattschnackerin. Wiederhen an denn` Dod von ehren Kollegen Alfred Richter, dee giern eenen drunken harr, erinnerte sick Fruu Heckt. Een besünnertes Ereignis wier de Fieer to denn` föftigsten Gebuurdsdag von Margarete Müller, Kotelow. Dor wieren dunn ok Schölers mit Blauhemden mit bie. Oewrigens hemm` woll all ehr Lihrerkollegen ünnereenanner Platt schnackt – in de jetzigen Tiet is sowat Schönes jo undenkbar! Middewiel räden jo kuum noch de öllsten Frälänner Platt, üm ehre Enkeln un anner jungschen Maekelnborger to schonen; dat is oewer nau verkihrt – soans ward dat Nedderdüütsche in Tokunft utstarben!

Bie`n Schwemmünnerricht hett de plietsche Lihrerin nau upschräben weck Mäken ehre Daag harren un hett sick somit nich een Woch later oewerlisten laten üm wedder befriet to warden!

Fazit: Dat wier so`n richtig schönen Frälänner Schnack!

Uwe Schmidt, Niegenbramborg