Plattdütsch Frünn

Näwel

Von Richard Giese: In Holt un Heid, S. 47

Näwel gahn dörch Busch un Brauk,

Natt un gries un kolt,

Slieken aewer Feld un Wisch,

Späuk`n in Heid` un Holt.

Slag`n sei dal, ward`t Wäder gaut,

Seggt oll Schulten Bur,

Stieg´n sei aewer in dei Luft,

Gifft dat Schur üm Schur!

Aewer ne, sei kladdern nich,

Gahn ok nich tu Ierd,

Liggen düster aewer`t Dörp,

Dümpeln `t Für in`n Hierd.

Gries in Greis dei ganze Welt,

Dodenstill dei Fiern,

Bet ut Nacht un Näwel lücht`t,

Hell dei Wihnachtsstiern.

Annette Bernstein