Schorssow - Projekte in uns Gemeinde
Wenn man nu hütendags ut Richtung Bülow na Schorssow rinkümmt, süht man ein geplägten Kirchhoffsvörplatz. De wunnerschönen Eiben, de Ilex(Stechapfel) un de wollige Schneiball kam gaut tau Geltung. Besünners sorgfältig ward de Ingang von Kirchhoff von einigen Inwahnern plägt. Dor wassen Funkien, Bergenien, Dickblattrosetten,Fette Henne, Päonien un de Sommerazaleen fangen ok schon au tau bläugen.
Geiht man denn dörch dat grote Isendur kümmt man in den Gautspark, dor hett sik Christian vonne Gemeindevertretung Schorssow mit Jens tausamdahn un sei hemm den Park meiht. Nu sünd de botanischen Raitäten wedder schön tau seihn. Nülich wier ik mit ein Besäukergrupp in Park ünnerwegs,de Lüd staunten öber de prächtigen Eiben, Eiken, Platanen un Gingkoböm. De stärkste Gingkobom hett einen Stammümfang von 2,52m – dat is doch schon wat! Dat nächste Mal warn wi de stämmige Hainbäuk vermäten. Geiht man denn de Dörpstrat hoch, süht man väle mit Leif gestaltete Vörgorns un ant Gemeindehus hett sik de wilde Wien ok wedder erhalt. Natürlich möt hier un dor noch naarbeit warn, öber, wi blieben dran. Bet dorhen blief ik juch.