Volkssolidarität - Ortsgruppe Schorssow - Hemm wi hüt schon lacht?

Disse Frag stellt sik de Volkssolidaritätsgrupp Schorssow desöfteren. Ditmal hemm wi uns Hahn Peter Hahn sine Döntjes anhürt. Ja, bit herzhafte Lachen profitieren nich nur Hart un Lung, dorbi warn ok Glückshormone utschürt un de Immunkraft steigert. Un denn hemm wi noch Gesichtsmuskel trainiert: 1 Bliestift twischen Näs un Oberlipp holln un dat ein poormal!! Wi wiern noch bit Äuben, as de leifliche Duft von Gegrilltem in den Begegnungsrum vonne Carl von Moltke Stuw strömte, denn Familie Tiedtke har för den Grillvörobend inköfft. Mihrere Grillmeister ünnerstützten dat Vörhaben. De ierste Wust wür bröcht un Nudel,-Kartüffel-un Eiersalat geef dat as Bilag. Öber ok Gurkenschieben,Tomaten up Mozarella un herzhafte Partypaprika künn man präuben. Dat gegrillte Fleisch wier weik un saftig, dortau wür geröstetes Brot mit Kräuterbodder reicht. Ein käuhles Radler rundete dat Menü af. Bit Äten wür nich väl räd, man markte, dat alle taufräden wiern. Nur af un tau wiern mal Satzfetzen tau hürn wie:“ Oh,is dat öber scharp -Mh, sihr lecker -orrer -Dat möst du präuben!“ Wer wull künn noch ne erfrischende Melon as Nadisch äten. Natürlich wier wedder tauväl inköfft worn, öber schnell wiern Afnähmer funn un denn hemm wi uns noch väl Tiet för de Ünnerhollung nahm. Wi Ölleren bruken dat, dat jeder mal wat rutlaten kann un ok mal anner Meinungen hürt. Ein grotes Dankeschön för disse kommodige Vörobendveranstaltung geiht an de Organisatoren.

A. Brinkmann

Volkssolidaritätsgruppe Schorssow