Fachtagung "Niederdeutsch" - Kita

An Anfang von Lenzmaand führte ik mit Kerstin un Steffi vonne Kita „Storchennest“ in Groten Lukow tau disse Fachtagung na Güstrow. Dor würn wi von Frau Stern von Kompetenzzentrum Griebswold up Plattdütsch begrüßt un sei verklorte uns den Verlop von disse Tagung. Späder kem noch Fru Dr. Ahrent dortau, ok die sprök Plattdütsch.

Väle junge Lüd wiern anreist, öber de wenigsten arbeiten inne Kita. De Vördräg würn in Hochdütsch holln, de plattdütsche Sprak wier also[G1] nich all tau väl tau hürn. Ok bi denn Bäukerdisch har ik mi för einige Deilnähmer ein bäten mihr Hülp wünscht, denn in de Bäuker künn man verschiedene Dialekte finn. Wer nu noch gor kein plattdütsch spräken kann, för den wier dat schwer, dat richtige Bauk tau finn.

Dat Ziel is ja, dat de Kinner jeden Dach ein bäten plattdütsch spräken söllen, Kerstin und Steffi de Sprak öber nich beherrschen, heff ik för de beiden upschräben, wat sei mit de Kinner singen un danzen könn. Dat ierste Mal hett Kerstin taukäken un mitläst un in de anner Woch hett sei mi zeigt,wie de Kinner dat ümsett hemm in: Wollt ji weiten, wollt ji weiten

Leiwer Fründ kumm danz

Gah von mi, gah von mi

Freudig öberrascht wier ik, wat dor inne Woch schafft worn is. Ok de Öllern solln marken, dat in disse Kita de plattdütsche Sprak plägt wart. De Anfang is makt!!!

Ik freu mi, wenn ik wedder bi juch sin kann,

juch Plattdütsch-Oma