Nur Frühjohrsputz?

Ditmal wier de Ümgestaltung von den Kirchhoffsvörplatz in Schorssow anne Reich!

Christian, vonne Gemeindevertretung har Hülp organisiert. Rocco wier mit ein lütten Bagger tau Stell,

üm de Wöttel von de verdrögten Conifärn un de Knallbeernbüsche( Schneebeern) -Heidi har ja gaut vörarbeit - frie tau leggen.

Väle Helper wier all von Klock 9 an Vörmeddach dorbi, Deile von Wöttel un Strukwark, wat de Bagger nich faten künn, rut tau sammeln un tau harken. Ein Vördeil wier,dat de Ierd feucht wier.

Ein anner Grupp von Helper wier dorbi, de Carl vun Moltke Stuw för de kamende Seison schick tau maken, ok dat Unkrut vör dat Museum wür rutträckt.

Natürlich wier för Äten un Drinken sorgt, jeder künn äten so väl hei wull un dat hett ok allen gaut mundt. Dat Wäder wier ja den ganzen Dach ein bäten rusig un so hemm sik de Helper an späden Nahmeddach bi ein heit Tass Caffe un Kauken int Gemeindehus infunn un bi angenehme Gespräche den Dach utklingn tau laten. Ik mücht ganz einfach nur-DANKE- seggen! Up juch is Verlat!

Foto und Text: Antje Brinckmann