Ernst Stadtkus - Hinnern Gordentun

Hinnern Gordentun

steiht mien Vaderhus.

Is keen Groafenschloss,

is een lütt Klabus.

Hinnern Gordentun

de oll lütte Bank

hät so lang, so lang,

upp mi all luhrt.

Hinnern Gordentun

schwäwt mien Muddersproak

Immer, immer noch,

as Glockenklang.

Hinnern Gordentun

blöhn Vergißmeinnicht,

un mien Kinnerwogg

stünn middenmang.

Hinnern Gordentun,

wenn de Ostwind

mit den Goldlack spölt,

bin ick wärrer Kind.

Eene stille Stunn

hinnern Gordentun -

brukt de Minsch,

ümm sick moal uttoruhn.

Ernst Stadtkus