Christa Grähn Worüm wi ’n Mundartzirkel hemm

In unse Dörp, da jiw’t noch Lü‘,

de möjen dat jeern lieden,

wenn man sick wat vertellt up Platt

so von de olle Tieden.

Wer hier hett wohnt, wer dunn hett läwt

Un wat so all passiert is,

da kön’n wi oft nich noogt von hüm -

wat ja wieder nich verkiert is.

Ob lustig, trurig, ok verückt

Dat tojing in de Welt,

dat hürt sick an noch mol so nett,

wenn man ‘t up Platt vetellt.

Un all de so vetraute Lü‘,

de längst to Ruh sünd john,

de säht man met ehr plattdüütsch Sprok

we’r vör sein Ogen stohn.

Un is dat ok hütjendags

Nich mihr vör jeden wat,

uns jeiht an’t Herz, wi föhln uns woll,

wi räden jeern noch Platt!

(aus Wir räden platt, Verein für Niederdeutsch in Brandenburg e. V.)