Mamsell Westphal un de Blaagen
„Sü so“, sech ick tau mi, „süh so! - nu sitten wi dormit an!“
Da schüwt man sik de Brill in de Höcht un leggt sik all dat Snuufdook trecht un denkt bi sik: „Heff ick richtig seihn? - de blaage Partei hett in uns lüt Dörp 31 % von all de Wählerstimm´ bekamen?“
Mi föllt de Mamsell Westphal ut Reuter „Franzosentiet“ in, de in ehr Biesternis secht hett: Wat is dit? Wat sall dit? Wat bedüd't dit?
´Nen Klaug künn ick mir dorut nich eins ut maken, worüm de Börgers de Blaage hett wählen möten: Utlänners hebben wi nich väl in uns Dörp un Winrööder de ´ne Schann sünd gift dat bi uns ok nich. De Mitböörkers sünd ok nicht arm un hemm´ oftins twei Wagens vör de Dör steihn. Schön is in uns Dörp un Arbeit har´n de meisten ok.
Wat is los mit de Lüüd, dat´s de Blaagen vertrugen, - wat deit dat bedüden?
Väle Minschen sünd nienich taufräden mit de Pullitikers un de Bang för de Taukunft sitt deip in de Lüd. Oewer möt man dann glieks de Blaagen de Stimm gäben? „Wat sall dit?“ denk ick bi mi. Villicht wull´n de Wählers denn grotmuligen Pulitikers ok nur enen bipulen - mihr is ok nich - orrer?