Wiehnachtsfier up platt
An 14. Dezember wier dat dat letzt mol in`t olle Johr, und denn noch de 13. – plattdütsche Stammdisch. Veele Fründ von uns plattdütsche Muddersprock wieren wedder kamen, um bi Gebäck und Gleuwien platt to snacken. Einzig Thema wier Wiehnachten, de Wiehnachtsmann und wie jedereins in de olle Tieden dat Wiehnachtsfest belewt hett.
De Frugens von „Bürger für Schwaan“ hemm sich mächtig veel Meuh gäben, dat in uns letzt` Sabbelabend in`t olle Johr dat ok recht wiehnachtlich Ambiente upkem. De Wiehnachtsleeders, de hemm wi denn ok in plattdütsch sungen und för so manchen wier dit denn doch wat nieges – Wiehnachten up platt! Und so hem wi denn ok dat ierste Johr rumkreegen. Wi hemm veel snackt, wieren mit Heiko Brunner unterwegens, hemm de „Olle Apteik“ besöcht und ok lütt beden gemütlich sedden, awer dat schönst wier doch jedetmol – wi hem platt snackt!!! To`n End hem wi noch Ideen sammelt för dat next Johr – lot juch överraschen – dat is nu mal so, to Wiehnachten.
Wi seihn uns an Dunnersdag den 25.01.2024 im de Begegnungsstätt von „Bürger für Schwaan“ Klock half söben (18.30 Uhr)