10. plattdütscher Stammdisch in der Begegnungsstätte „Bürger für Schwaan

Wie schnell doch de Tied löpt.

An Dunnersdag den 21. September wier nu schon uns teidenste (10.) plattdütsche Stammdisch in`t Bürgerhus, Möhlenstraat 3.

Und weil dit een gauden Grund to`n fiern is, gewt dat vörnweg ierst een ut de Buddel.

Und denn sechte Ilona de Marschrichtung an und los güng dat.

Uns Fründ Heiko Brunner güng mit uns nah de Köhminsel (mitohne Köhm) und verklorte uns väl Nieges.

Motto: „De Schwaaner Köhminsel in Wandel der Zeiten“

– ja frühger wier dor `n Diek för de Möhl mit Holthus för de Wadervögels. Später denn, dor wier dor een Betondiek mit Springbrunnen, dor hem ok in Summer de Kinnings in badet…. und hüt ist dat `n begehrter Parkplatz för de Anwohners.

Und denn vertellte Heiko över de Idee, de Wadermöhl in een Museum für de Schwaaner Pinselschwingers umtobugen und wie disse Idee denn umsett würr – und he de ierste Museumsdirektor.

Und denn güng dat wie ümmer von Grot nach Lütt.

De Koopmannsläden in Schwaan, de Kneipen und Hotels, Musik und Danz. Ja frühger, dor hems in de „Börse“ dree Dag lang dörchfiert – dat wieren noch Tieden. (dat Brückenfest geit ja ok vun Friedag bis Sünndag)

Bi unsern Rundgang hem wi dat denn noch bis ton Rathus up den Piermarkt schafft. Ja, dor harr`s frühger sogar n Kaschott in.

Dor würr`n de inspunnt, de ehr Stüern nich betohlt hem – man, wier dat hüt to Dag vull in `n Knast.

Und denn güng dat up den Hof von uns „Begegnungsstätte“.

Bi lecker Bratwurst und väl Schnackerie wür dat denn ok schnell dunkel und uns teidenste plattdütsche Stammdisch wier vörbi – awer schön wier dat wedder eins.

Dat nächst Mol schnacken wi wedder an

Dunnersdag den 12.10.2023 Klock half söben (18.30 Uhr)

in de Begegnungsstätte von „Bürger für Schwaan“, Mühlenstrasse 3.

Thema: Mangelwirtschaft in de DDR – wat dat nich gew und wie wi uns hulpen hem!

Hol juch fuchtig

Ilona und Korl