„Bürger für Schwaan“ - plattdeutscher Stammtisch
An 16.11.2023 hem wi wedder an Stammdisch in de Begegnungsstätt sedden und hem klönt.
Uns Stammdisch wier wedder knackenvull, denn dor wieren wedder veele Fründ von de plattdütschen Sprak an unsen Stammdisch to`n platt schnacken kamen.
Ditmol güng dat um Berufe und dat Arbeitsleben, wat jedereins so belewt hettin sein Berufsleben.
Eigentlich wullen wi snacken öwer de ollen Berufe, de man hüt nich mier süht und ok nich mehr kennt, awer dortau kemen wi gonich, denn jedereins vertellte von sick und sien Arbeitsläben.
Ja, dat wier schon ne verklamte Tied, denn liernt hem wi in de DDR – Liehrers, Köcksch, inne Bökkerie, bi de EDV, in Schiffsbu und, und, und …
Nach uns friedliche Revolutschon, denn mösste jedereins wat anners moggen, in sienen Job.
De Liehres, de harren denn miteins keinen Lierplan nich miehr, ne, ut de Schaulbökkers hem se denn de soschialistischen Sieden rut redden.
Inne Bökkerie hems de schönen ollen Bökkers rut schmetten.
De Schiffsbuger is ok unnergahn, denn he het een Job bin Rat der Stadt kreegen und wedder ein wier plötzlich Direktor in Museum.
Twischendörch hem wi ok wedder ordentlch smüstert und feixt und ok schöne plattdütsche Leeders sungen.
De Tied wier denn ok fix vörbi und wi hem sogar länger klönt as sünst.
Öwer de Berufe von dunnemals könn wi ja denn in`t nexte Johr palawern,
denn in dit Jor seihn wi uns nur noch vör Wiehnachten und denn snacken wi öwer Wiehnachten und denn will`n wi denn plattdütsche Wiehnachtsleeders singen.
Dat next Mol dröpen wi uns an 14.12.2023 Klock half söben
an de ollen Stell, bi „Bürger für Schwaan“ und denn giwt dat nur ein Thema – Wiehnachten – Ick glöw, denn giwt dat ok n Gleuwien und Peppernöt.
Jederein de denn kümmt kann ja lütt beden mitbringen.
Wie freuen uns up juch.