26. plattdeutscher Stammtisch bi „Bürger für Schwaan"
An 23. Januar (Hartmaand, Hornung) pünktlich Klock half söben seten wi wedder an unsen plattdütschen Stammdisch in de Möhlenstraat. Dat niege Johr is nu ok all wedder dor und wi hemm uns veel vörnommen.
Vörnweg uns Rubrik: Wat givt dat Nieges in Schwaan?
Dat mit dat Straten fegen und räumen, wenn dat schniegen det, dat klappt ja wohl nich överall so richtig, is ja denn ok Schiet vör de ollen Lüd. Und denn „De lustigen Nachtigallen“ de sünd utflogen bi „Bürgers für Schwaan“. Dorbi is ja wohl ok nich allens so lopen as dat sall, mit de Kommunikation. Ja und denn hett am Markt Frau Prehn tau moggt und dat Landkaffee. Beide liegen se neben de ollen Post, de ein links und de anne rechts. Na ja, wi hemm ja Schuh` und Post bi Mühring und Kaffee und Koken bi Bäcker Schröder, de Versorgung vun de Bürgers mit Konsumgüter is also abgesichert! Und wat is inne MItt? -Sackgasse - De Marktwirtschaft moggt möglich. Dat wier`t denn ok to „Nieges ut Schwaan“. Denn hemm wi ierst mal „Lütt Matten de Haas sungen“. Den hett ja to`n Schluß de Voß upfreden, wieldess he wier to leichtgäubig, Dat erinnert mi an de Wahlen im Februar. Dor mödden wi ja denn ok upassen, dat de Berliner Politik uns nich upfredd`. Eigentlich kann uns dat in Schwaan awer nich passieren, denn wenn wi in Schwaan wedder 3 mol tellen wi bi de letzt Wahlen, denn is in Berlin all allens lopen wenn wi fardig sind mit dat tellen von de Stimmen. Also wi in Schwaan sünd dorbi fein rut. Uns letzte Thema för dissen Abend: Gode Vörsätze für 2025! – und dat wier denn ok abendfüllend…. „Ick gah`dat ganze Johr nich up de Waag!“ und „Ick gah up den Strich!“ Dor künnen wi denn över allens schnacken, Kultur, gesunde Lebenswies…..
Mit dat Leed „Wo de greunen Wischen leuchten weit und breit“ hemm wi denn pünktlich Klock half negen Schluß moggt und dat wier so, as dat immer wier, einfach wunnerbor, bi uns` plattdütschen Stammdisch bi „Bürger für Schwaan“ Wenn ji miehr weiten willt, denn kummt einfach vörbi to unsen plattdütschen Stammdisch.
Dat next Mol sidden wi denn an 27. Februar, is ok een Dunnersdag
Klock half söben (18.30 Uhr) wedder an uns Stammdisch in uns Begegnungsstätt` in de Möhlenstraat.
Denn willen wi över`n Winter schnacken, wenn Winter is.
Ein weiteres Thema soll sein: Kindheits- oder Jugendträume, die ich mir im Alter erfüllen konnte. Und wenn denn noch Tied is, denn will`n wi lütt beten snacken, över de ollen Handwerkers und Berufe in Schwaan.
Bis denn dann, hold juch fuchtig!