Plattdeutscher Stammtisch in der Begegnungsstätte
An 09. März, dat wier een Dunnerdach, wier all dat 5. Mol uns plattdütsche Stammdisch. Ok ditmol wieren wir in de Begegnungsstätt von Verein „Bürger für Schwaan“ und wedder eins wier de Abend siehr gaut besökt, ok wedder mit niege Gäst. So bummelig 20 Lüd wiern kamen. An dissen Abend güng dat um de Frühjohrstied. Vörnwech gew dat een schönes plattdütsches Leed und und denn vertellte jedereins,
wie he und se den Frugensdag belewt hett. Blomen gewt dat, und eeten güngen de Frugens mit Mann und Kinners. Besonders schön harren de dat, wo noch eenGeburtsdag an 8. März wier.
Bi`t nächste Thema güng dat um den Gorden. Ausführlich wür erklärt, wie man een Gewächshus mit Glasschieben bugen kann und wann und wie man Tüffel plant. Wi wieren uns all einig, dat de dümmste Buer, pk hüt noch, de grötsten Tüffel hett. Und denn kemen wi to dat Osterfest.
Wi snackten över dat, wat de Lüd früger to Ostern moggt hem. Eier farben und polieren mit Zwiebel, Eier bemalen, Ostersträuße und Osterbräuche. Wer weit hüt noch, dat man frühger Ostern mit de Rut ut dat Bett smeten würd? So wier dat, mit dat Eier verstecken und Eier söken und Eier lopen - kein Tied för Erotik! Und denn gewt dat Stuten (Blätterteig) mit Bodder up to eeten. Karfriedag gewt dat Fisch und Ostern Karnickel. De Dierns güngen Wader halen, und dorbi döften se nix vertellen, sünst har dat Wader keine Wirkung nich miehr, denn dat waschen mit dit Wader gewt de Dierns Schönheit und Gesundheit!
Mit dat Osterfüer ward noch hüt de Winter wegjacht. (Wegen hüttodag de Füerwehr verjagen wüll, dat weit ick nich!) Mit de olle Frag, wat toierst dor wier, dat Hohn or dat Ei endete disse schöne Abend.
Unser Thema biet next Mol:
Ut Stadt un Dörp - Buern, Ackerbörger, anne Lüd und Veih!
Termin ist de 20.April Klock 18.30 Uhr in de Begegnungsstätte, Möhlenstraat 3
Wi freuen uns schon hüt up juch!!!!