Neues vom Plattdeutschen Stammtisch

Plattdütscher Stammdisch in`t Bürgerhus

Maria Synwoldt - 18.02.2025

Nu is se wech - uns Maria.

An 18. Februar 2025 hett de leiwe Gott secht:

„Nu kumm du mol to mi!“

Und se hett secht: „Ja, nu ward dat denn ok Tied …!“

Uns Maria wier all 88 Johr old und se wull ja noch ehren 90. Geburtsdag fiern - dat hett nu nich klappt.

Uns, an plattdütschen Stammdisch hier in Schwaan, ward se fählen, mit ehre lustige Ort. Awer se kieckt bestimmt von baben runner up uns dal, wenn wi an unsen plattdütschen Stammdisch sitten und wenn wi över „Nieges ut Schwaan“ vertellen, denn högt se sich einen.

Franz Bunke harr secht:“Nu is se dor, von wo dat kein trüch nich giwt!“

Diene Fründ` von plattdütschen Stammdisch

Wi vergetten di nich!

Dat next Mal sittern wi an 20. März Klock half söben (18.30 Uhr)

wedder an uns Stammdisch in de Möhlenstraat 3.

Denn willen wi över`n Frühling, Ostern, uns Gorden und över Planten und Blomen schnacken.