IG Plattdeutscher Stammtisch bei „Bürger für Schwaan"
Ja, uns plattdütsch Stanndisch is ja nu bald ne Institution.
Bi dat letzt Mal am Dunnersdag den 28. März wieren denn ok wedder 18 Plattschnackers an unsern Stammdisch um över „Dit un dat“ to vertellen.
Los güng dat wedder mit „Wat givt dat Nieges in Schwaan?“
Över weggen und wegge wi schnackt hem, dat will ick hier nich verkloren, wenn jie dat weiten willt, denn kummt einfach vörbi, awer de Pastorenabschied wier ein Thema….und dat wier schön – vörnweg in de Kark und achteran in Schwaaner Campus.
Ja so veele Lüd sind selten in Campus. De Bläser hem blast, de Kinners hem sungen und ok uns Paster Jungmann het een Leed zum Besten geben und mit „Heute hier, morgen dort“ vun Hannes Wader hett denn de Stimmung in Campus den Jahreshöhepunkt erreicht. De Paster is halt `n Gooden! Ok wi Plattschnackers wünschen em veel Freud in dat Oller.
Denn kemen wi to uns Thema: „Frühling, Gorden und Ostern!“
Dor gew dat veel to vertellen…Dunnemals, achtern Krieg hemm de Lüd miehr Obst und Gemüse und Tüffel anbugt, dorför giwt dat hüt miehr Bio und Blomen …und Ostern hem de Lüd doch miehr an Christus glöwt und Eier bemolt.
Bis Ostersünndag gewt` keen Eier und Fleesch. Karfriedag gewt dat immer Fisch und hüt? Ja hüt to Dags, dor eten de Lüd Karnickel – dor licht de Osterhaas in Pepper up den Mittagsdisch!
Wegge sall denn nu noch de Ostereier bringen? (Wegge in dit Johr een Osterhaas seihn hett de kann sich ja mol bi uns melden!!!! Bitte Foto als Beweis beifügen!
Dat next Mol will`n wi uns wedder an 18. April, is ok een Dunnersdag Klock half söben (18.30 Uhr)an unsern Stammdisch setten.
Denn geiht dat um dat Thema: „Zahlen und ut de Schaul“ und natürlich geiht dat ok wedder um „Di tun dat ut unse Stadt“.