Plattdütscher Stammdisch Bi „Bürger für Schwaan“
Wie de Tied so löppt!
Nu is de Lenzmaand ok all vörbi und wi hem in dis Johr all 3 mal an uns plattdütschen Stammdisch setten.
In Januar hemm wi över dat letzt Johr klönt, un wat is da ok all`s passiert – Wahlen, Wahlen – Bundesdag, een nieger Kanzler un uns Bürgermeister – ja, ja, der Merz is da! Uns Ministerpräsidentin Manuela Schwesig wier in Schwaan un Ehrenamtsball wier ok. Dat gev schon oddich wat to vertellen över dat Johr 2025.
In Februar denn, hemm wi Witzeabend moggt, wildess ja Faschingsmaand wier. Un to fiern harr`n wi ok, een Geburtsdag – un so wier dat nich so drög as wi ümmer. Awer schön lustig wier`t, jedenfalls hemm wi oddich lacht.
In März – Lenzmaand güng dat över Frühling, Ostern un um den Gorden un wat nu so anbugt ward. Ja, dor gev dat ok wedder väl tau vertellen.
Un denn harren wi ja noch an 13. März uns plattdütsche Buchlesung bi uns in „Bürgerverein". Uns Gerdchen harr de Gripp erwischt un so mösten Ilona un Korl „alleen" da Schip schunkeln.
Dat güng um „Edden un Drinken". (or Fredden un Supen?) So genau weid ik dat gor nich miehr, awer dat wier schön. Läst hemm se Texte von Tarnow un anne Dichters. Twischendörch gew dat ok plattdütsche Leeders un tau`n Schluss noch plattdütsche Verse ut „schwaaner Fedder" un noch een plattdütsches Leed. Un kulinarsch gewt ok wat – Smoltstull`n!
Hett wunnerbor schmeckt! Wi harr`n sogor Tauhürer`s, de kemen von wiet weg – ut Ziesendörp – awer, ick denk de Anfohrt hett sick lohnt.
Uns next Stammdisch is nu an 23.04.2026 – Ostermaand. Abends, Klock half söben in uns Begegnungsstätt von „Bürgers för Schwaan".
Denn will` wi widerschnacken över edden un drinken, olle Gerichte un Rezepte un allens wat dortau gehürt. Also kiekt vörbi un – Hold juch fuchtig,