Neues vom Plattdeutschen Stammtisch

40. Plattdütsche Stammdisch bi „Bürger für Schwaan“, nee, up den „Warnowlöper“

Nu harren wi ja een ganz besonderen Anlass ditmol, denn dat wier dat 40. Mol, dat wi tosammen kamen sünd.

Ditmol wier dat een Fridag, dat wier an 15. Mai (Wonnemaand), Klock 3, dor hemm wi uns an de Warnowbrück dropen, up den „Warnowlöper“.

Proviant un gaude Stimmung wieren ok an Bord un so güng dat pünktlich los, mit de Schipperie. De Wind wier günstig ut Nord, denn uns Kurs wier Süd - Richtung Sandgorden, Vörbeck u.s.w.

Toierst seilten wi musikalisch „övern See“, denn hüt wieren Seemannsleeders ansecht.

Vörbi güng dat an uns olle Badanstalt. Wat hier in olle Tieden alls passiert is….

Und wat dat allens gev: Umkleidekabinen, Toailetten, Spielplatz, Gaststätt, dor över kunn man wohl Bökers schrieven….Wirte, Gäste, Feiern…un denn hett man ja dunn ok noch Waderball spält. Ja dat wieren noch Tieden, as de Kinners noch een Badestell harren…und Rettungsschwimmers gev dat ok noch….Hier kunn man ok de Schwimmstuf I, II, III aflegen. Dunnemals wieren ok de Müs knapp, awer se hem wat hinkrägen, ok ohn Fördermittels.

Und wieder güng de Fohrt bi Kauken und Musik an Sandgorden vörbi. Dor hev ick mi fragt: Is dat nu noch Schwaan oder nich? Dat künn doch `ne Badestell för de Kinners sien. Ick wier frühgers ümmer dor mit Fahrrad, mit minen Kumpel. De Reinhard is dor ok ümmer henführt, von de Warnowbrück.

Wie hemm de dat frühger blot henkrägen – ok ohn Müs?

Nu wieren wi an Sandgoren ok vörbi und kemen nah de Vörbecker Heid`.

Dor wier dat so schön, as wi in`t Paradies an de Warnow.

Awer so is dat Leben, denn in dit Paradies kunnen wi nich lang blieben, denn wi mößten trüch an uns Warnowbrück…und trüch güng dat schneller, wieldess de Strömung hett holpen. So hett bi uns allens wedder passt, dat Edden wier all, de Geränke ok, Lakritz wier ok nich mier und Leeders wieren all gesungen.

Wir wünschen uns Warnowlöper: „Ümmer een handbreet Wader ünnern Kiel“ un „Gaude Fohrt!“

Uns next Stammdisch is nu an 25.06.2026 –, Klock half söben in uns Begegnungsstätt von „Bürgers för Schwaan“.

Bis dorhin - hold juch fuchtig

Ilona und Korl