7. plattdeutscher Stammtisch
An Dunnersdag den 15.06.2023 wier dat endlich wedder sowiet!
De söbente plattdeutsche Stammdisch tagte in de Begegnungsstätt vun „Bürger für Schwaan“. Ditmol wieren 17 Teilnehmers dorbi.
Los güng dat glick mit den ollen Rundgesang „Ringlein, Ringlein, du möst wandern….“, denn ditmol güng dat um Späle, de wi früher, as Kinner, moggt hem. Spält und towt hem wi dormals öwerall, up de Straat, in Wald und up de Wischen und in de Heuschobers vun de LPG.
Dormals wier dat gemeinschaftliche spälen, ob up de Straat oder inne Natur ganz normal. Up de Straat spälten wir Völkerball, Fautball, Versteck und Greif, Hüpfe und Gummitwist. Und jedereins kannte de Regeln. Autos wieren in de Straaten nich väl parkt, Verkehr gewt dat ok nich väl, besonders in de lütten Straaten wier dat ruhig. Und so wier väl Platz für uns Kinners tau`n spälen. Sogar mit Rollschau künn man up de Straat lopen. De Lütten spälten mit`n Brummkreisel und murmelten mit Glaser und Toner und Eisenkugeln. In Summer güngen wi baden, Schwimmen liehrt wür in Möhlengraben, denn in de Warnow dörften wi Kinners nich. Und angelt hem wi in de Bek und inne Warnow, mit und ohne Angelschien. De Dierns hem Blaumenkränze ut Butterblaumen bunden und harren denn swarte Fingers. In Winter hem wi överall mit den Schlitten führt, överall wo een Barg wier, ok up de Straaten. So mancher Pierkutscher het an Wochenend väle Kinners achter den Pierschlitten up ehre Schlittens treckt. Ja, dat wier een Spass. Und Schlittschau hem wi lopen und Prompesel smökt. Schön wier dat, „Kinderzeit ist lange her“ – heit dat in een Leed von Veronika Fischer. – Awer, für uns wier dat, als wier`d ierst gistern. De 8. Stammdisch sall am 13.Juli sien, Klock half söben. (19.30 Uhr) Wi dröpen uns wedder in de Begegnungsstätt „Bürger für Schwaan“ in de Möhlenstraat und gahn denn in de „Olle Apteik“ wo Fru Borgward uns mit plattdütsche Arzeneien therapieren will.