19. plattdeutscher Stammdisch bi „Bürger für Schwaan“
Dat wier weder mol an een Dunnersdag, de 27.06.2024, Klock half söben.
Ditmol hem sich 22 Plattsnackers an unsen Stammdisch sett, um mal wedder eins to klönen und dat in unse Heimatsprak plattdütsch.
Ditmol wieren ok wedder niege Gesichter to seihn. Ob se dat wohl gefallen hett?
Wi warden dat ja seihn.
Unse Stammdischliehrerin nehm ok sofort dat Zepter in de Hand.
Los güng dat mit een Geburtsdagleed, denn dat Geburtsdachs“kind“ harr ok wat to`n anstötten mitbröcht. Ja, in uns Oller möd man jeden Geburtsdag fiern und wenn dat denn noch een runder is, denn is dat besonners schön.
Und denn güng dat los: Wat giwt dat Nieges in Schwaan?
De olle Molkerei is weg!!!!! Wat ward dat woll?
Ick denk mol, dat ward wat, denn de Eigentümer und de Stadtbumeisters warden sick dorbi wohl wat dacht hem und lang nauch stünd dat ja ok leer.
Wat passiert an de Warnow, an de Brück?
Dat niege Hus is ja nu fardich und för den hohlen Zahn de dor an is, ward dat ja nich sien. Een Verein „Krasemann`scher Hof“ hett sick gründ`t und de hem veel vör.
Wi willn mal töwen wat dor noch so rutkümmt.
Ach ja, und de Wahlen sünd nu ok um und wi hem een nieges Stadtparlament.
Denn will`n wi mol kiecken, wi nu „Volkes Wille“ in`t Parlament umsett ward.
De leiwe Gott giw ehr Klaug und Geschick bi ehr Arbeit för uns Schwaaner`s.
Und denn kemen wi to uns Tagesthema: Bi`n Doktor!!!
Und dor gew dat veel to vertellen … Los geiht dat ja schon in`t Wartzimmer.
Dor kann man wunnerbor Dehnungs- und Bewegungsübungen moggen, süht ja eh kein einer, de annern kiecken ja doch nur up ehr Handy.
Ja früher, in`t Landambulatorium dor güng dat een paar Stufen hoch, denn nah links, in de grote Dör, dor wier ne Luck - de Anmeldung und denn heet dat töwen.
Awer Frau Doktor Klare hett holpen … hemm wi denn ok bi Fritze Wolbring nachlest.
Ok öwer den Veihdoktor Stoll hem wi schnackt und öwer den Chor von uns Landambulatorium.
Awer de wichtigste Fru in unsern Gesundheitswesen wier wohl dunnemal uns „Mudder Kruse“. Dat gew ja wohl nich eenen Schwaaner Deern or Butscher, wo das se nich mitmank wier, för de Geburt, hett se ant Licht halt oder achteran. Se wüßte öwer jedereins genaustens Bescheed. Und wenn se wat secht hett, dat harr Gewicht … se harr ok Opernsängerin warden künnt, mit ehr mächtige Stimm - awer dorfür harren wi ja schon Hannelore Kuhse.
Uns next plattdütsch Stammdisch is denn wedder an 25.07.2024, is wi ümmer een Dunnersdag, Klock half söben (18.30 Uhr) bi Bürgers för Schwaan.