8. plattdeutscher Stammtisch – Begegnungsstätte „Bürger für Schwaan“

An Dunnersdag den 13. Juli wier wedder eins uns plattdütscher Stammdisch.

Ditmol wieren wi to Beseuk in uns „Olle Apteik“ bi Familie Borchwardt.

Uns „olle Apteikers“ töften all up den Hof up uns as wi kamen sünd.

Nu, an`t plattdütsche mödden de beiden noch n lütt beden liernen, dat künn`s ja ok giern bi uns moggen, awer de „Olle Apteik“ hem se mit väl Leif und Fach- und Sachwissen to een Kleinod vun Norddütschland moggt.

Wi hürten väl över Kräuters, Planten, Medizin und Drogen.

Ok dat Pillen dreihen hem se uns zeicht und dat Giftbock ut dat letzte Jahrhundert.

Ja, se harren dat nich immer einfach, in`t Studium schon „Drogen im Selbstversuch“, awer allens gaud öwerstahn.

Und denn kem de Einheit, Umbau vun de Schwaaner Apteik – dat Honnecker Bild flög rut und Borwardt`s und de Dütsche Bank hem „Aufbau Ost“ moggt. Dat kem se mächtig düer.

Awer so ganz nebenbi wier denn soväl Kram över, dat dor noch naug för dat lütte Museum överbliew.

Hüt is dat ok all Geschicht und wi künnen hüren und seihen wie frühger Pillen, Zäpfchen und Salben mixt und dreiht würren. Ok den Drogen- und Giftschap hems för uns upmoggt. In een Schap hems noch Tabletten und Salben ut de DDR utstellt. Hüt giwt dat Tüg ümmer noch, blots mit annern Namen.

Und duscht hemms frühger, mit dat wat de ein harr und de anner nich.

Du warst nich glöben, de Pillenpakete güngen per Post von Nurd nach Süd und vun Süd nah Nurden.

Dor kannst wedder seihn, dat künn se hüt bi de Lauterbach`sche Medikamentenknappheit gaud bruken, awer dat hem se halt nich liernt Inne Marktwirtschaft.

Und denn wier nach ca. 90 Minuten väl to schnell Schluss, awer in Gorden gew dat to`n Abschluss richtig gauden Zwiebelkoken (Bio) und een Medizin, de hew ik noch nich kennt. Schmeckt het dat allens siehr gaud lütt beden kräftig wier se und ik künn de Nacht vun disse Medizin wunnerbor schlopen.

Välen Dank an de „Ollen Apteiker`s“, dat seggt de plattdütsche Stammdisch!

Wi dröpen uns dat nächst Mol an 10. August Klock half söben in de Begegnungstätt von „Bürger für Schwaan“

Ilona und Korl