9. Plattdeutscher Stammtisch - Woans doch de Tied vergeiht
An Dunnersdag, den 10. August, wier all uns nägte plattdütsche Stammdisch bi „Bürger für Schwaan“.
Schön, dat wedder so väle Plattsnacker dor wiern. Dat zeigt doch, dat dat Interesse an de niederdütsche Sprak grot is.
Tauierst hebben wi uns noch mol an unsern Besök in de olle Apteik erinnert, an all de Pillen, de dor dreigt würden. Denn keem’n wi up de ollen Husmittel tau spräken, denn nich ümmer is gliks de „chemische Kül“ nödig.
Oh, wat keem dor alles tau Sprak: Kohlblädder, Wegerich, Ringelbloomens, Körnerkissen, Ümschläg und välles mier. Ok so`n lütten Köm soll gegen Magendrücken helpen. “Wer dat glöwt, ward seelig“ ….orrer gesund.
De “ Husupgoben“ würn von uns Mitglieders fliedig mokt un so würn einige lütte Geschichten vörläst. Dat hät uns sier freugt.
Mit Riemels, Radels und Gesang güng uns Stammdisch tau End.
Uns 10. Stammdisch is an 21.September, wie ümmer um half söben in de Begegnungsstätt.
Heiko Brunner wat uns tauierst wat up Platt över Schwaan vertellen und uns Einiges zeigen und denn wulln wi uns noch bi Bratwust stärken. (wi hebben jo schließlich so`n lüttet Jubiläum)