43. plattdütsche Stammdisch bi „Bürger für Schwaan“

An Dunnersdag den 27. August (Austmaand) pünktlich Klock half söben, dor hemm wi wedder sedden, an uns Stammdisch in de Begegnungsstätt`von Bürgers für Schwaan in de Möhlenstraat. Ditmol hemm wi up den Hof sedden, is ja Sommertied und wi hemm den Grill ansmeten, dat gew Bratwurst.

Bi dat edden hemm wi denn ok gliecks klönt öwer unser Thema: „Wat giwt dat Nieges in Schwaan?“

To dit Thema harr denn ok männigein wat to vertellen.

Awer dat grote Thema von dissen Abend „Olle Filme und Schauspeelers“ hett uns denn doch in de „gaude, olle Tied“ trüchversett. Uns Marianne hett uns wat mitbröcht von to Hus und dat wier ne grot Öwerraschung för uns all an Disch.

Se harr een groten Stapel mit olle DDR – Kinoprogrammhefte mitbröcht.

Herausgeber wier de Progress-Film-Verleih un de DEFA. Und wi hemm se all kennt, de Filme. Eintrittspreis för dat Kino dunnemal 1,25 MDN un 20 Pfennig`s för dat Programmheft. Jederein hett se sich ankieckt, de Hefte. Und de Erinnerung wier wedder dor, an Karbid und Sauerampfer, Heißer Sommer, Meuterei auf der Bounty, Krakatoa, Die schwarze Tulpe, Spartacus und die Schussfahrt nach San Remo.

Dat wieren wohl ca. 50 Programmhefte und ok de Schauspeelers un Darstellers in de Filme hett jeder von uns kennt…Erwin Geschonek, Chris Doerk, Frank Schöbel, Marlon Brando, Louis de Funes, Goijko Mitic, Kirk Douglas, Laurence Olivier und noch veele mier.

Wie hemm sedden und blättert und quasselt bis dat all dunkel wier.

Dat wier wedder eins een schönen Abend an unsen plattdütschen Stammdisch bi „Bürger für Schwaan“.

De nexte Stammdisch is denn an Dunnersdag den 17. September (Harwstmaand) Klock half söben bi „Bürgers för Schwaan“. Dat is för de Landagswahl und wi wählen denn ok – dat plattdütsche Parlament. Schnacken willen wi denn ok noch över Schwaaner Originale.

Dat ward bestimmt wedder siehr spannend.

Hold juch fuchtig

Ilona und Korl