Moin leeve Lesers vun „Uns Dörper„

Hier sünd wi wedder. De Theaterpaus is toend un wi sünd wedder fix an‘t proben för dat nee Stück.

„Een kommodigen Avend“ heet dat Lustspeel dat wi uns vörnahmen hebbt. Schreven is dat vun Ingo Sax.

Wi seggt jedet Johr, ditmol is dat wat ganz anneret, aber ditmol is dat würkli mal wat anneret.

Ick will nich to veel verraden, blotz soveel vun denn Inhalt:

Manni hetzt siek dat so schön vorstellt: Sien Fruu is ut‘n Huus, un he will siek dat mit een Buddel Beer un de Sportschau vör‘n Fernseher so richti kommodig maken. Aver dor hett he de Reken ahn sien Froo un ehr söss Fründinnen maakt.

Dat dat mit so veel Fruunslüüd nich langwielig ward, kann man siek vörstellen. Kiekt juch dat an. To Lachen gifft dat garantiert een ganzen Barg.

De Vörverkoop för de Fahrenkröger Vörstellungen is an‘n 01.Oktober 2026 vun Klock 3 bit Klock 6 in‘t Bürgerhuus in Fahrenkrog.

De Termine: Premiere 14.11.2026 Klock 8

Korten könnt ok över uns EMail: kontakt@fahrenkruger-speeldeel.de bestellt warn.

Wi freut uns all bannig, wenn‘t losgeiht un hofft wedder op ganz veele Tokiekers.

Fahrenkruger Speeldeel e. V.

Marianne Kruse