Allens in`n Griff..

So heet de Komödie, de wi uns för de nächste Speeltied vörnahmen hebbt. Dat Stück is schreven vun Konrad Hansen. Wi sünd middenmang de Proben un ganz tofreden mit uns. Vun den Inhalt blot soveel, dat hett so`n beten wat vun Krimi un geiht üm Geld. Bannig froh sünd wi över unse niegen Speelers, een jungen Mann (21) un een junge Deern (23). De Beiden sünd mit Begeisterung dorbi, dat uns dat richti Spaß maakt. Wenn ümmer seggt ward, de jungen Lüüd hangt blot mit Handy rüm, is dat nich bi alle so. Klor, dat se dat Handy bi siek hebbt, ober mal ehrlich, wat maakt wi denn! Ik kunn wohl ohne Handy leben, ober beter geiht mi dat, wenn ik dat dorbi heff.

Ik will ju nu schon mal de Termine för de Fahrenkruger Vörstellungen geben:

Jeweils 1 Stünn vörher ward ji rinlaten.

De Vörverkauf för düsse Vörstellungen is an`n 01.10.2025 vun Klock 5 bit Klock 7 in`t Bürgerhuus in Fahrenkrog.

So, wi ward nu de nächsten Wochen mit Text usw. beschäftigt sien, dormit ji mit uns tofreden sünd.

Wi freit uns op ganz veel Tokiekers un versprekt ju, dat gifft örndli wat to lachen.

So, bevör ik dat vergeet, snackt mal wedder Platt!

Fahrenkruger Speeldeel e.V.

Marianne Kruse