Alln´s geiht mol to End ...
so ok unse Speeltied mit dat Stück „Sluderkraam in Pollmanns Gaarn“. Dütmal hett de Saison beten wat länger duurt. Dor hett Corona för sorgt, dat wi een Zwangspause maken müssen. Vun Januar 2022 bet November leep gor nix. Aver denn güng dat wedder los. Wi Harrn grotartige Vörstellungen mit ganz veel vergnögte Tokiekers, de bannig mit un över uns lacht hebbt. Veelen, veelen Dank dat ji all kamen sünd. Dat ermuntert uns, wiedertomaken.
Dit eene komische Wort wüllt wi ganz schnell vergeeten un ok nich mehr över snacken. Nu wüllt wi erstmol een Paus inlegen, allerdings nich so lang. Dat niege Stück ward noch utsöcht und denn geiht dat wedder los. Nu wüllt wi alltosamen erstmal dat Fröhjohr geneten, dat hoffentli bald kümmt.
Ik hoff, wi seht uns wedder, blievt schön gesund und holt ju fuchti.
Schöne Ostern un „Snackt mol wedder platt“!