Abenteuer Eierpicken

Lustiges historisches Treffen aller Altersklassen am Ostermontag-Morgen in Lambrecht

Früh um siwwe rückt mer los

enuff zum Pickplatz uf de Stroß.

Schun schtehen dort die Kampfgenosse

mit korze un mit lange Hosse.

Angriffsluschtig, wie se sin,

hauen sie dann zünftig hin.

Im vorische Johr war ich debei,

schtell mich mutig in die Reih‘.

Nemm mer dann die Pick-Couraasch,

erscht die Spitz un dann des annre Däl!

Un eh ich richtig bei mer bin,

hab ich im Ei zwä Löcher drin. –

Was ich eich sag is werklich wohr:

E kläner Bu vun siwwe Johr,

ich konnt’s net fasse, doch‘s war so –

der schlagt mich in de erschte Rund k.o.