Die Mamme is dra‘ schuld

Gedicht der Lambrechter Heimatdichterin Elisabeth Schneckenburger

De Babbe sagt in alle Fäll,

die Mamme is draa‘ schuld.

Die awwer duhd als heert se nix,

sie hot halt viel Geduld!

Zum Beischbiel, wann’r hie unn da

sei‘ Schlisselbund ve’leggt

die Mamme hot’n widder fort,

grageeld’r immer fescht.

Do neilich find’t er net sei‘ Uhr,

o je, war des e Schreck.

De Babbe blatzt ag glei‘ e raus:

„Die Mamme hot’se weg.“

So gebt’s heit desunn morge sell,

er is halt arig nerwees.

Doch sunscht de beschde Ehemann,

er määhnd’s jo ag nitt bees.

Wie jetzt sei‘ Bordmannee ag fehlt,

war’s noch im Sunndagsfrack,

die Mamme, hot’r feschd behaupt,

hett’s aus seim Hosesack.

Die Mamme is halt immer schuld,

des weese ag so gut.

Unn wie’r will zum Schdammdisch gäh,

do sucht’r jo sei‘ Hut.

Doo hot die Mamme doch gelacht,

dann sagt se zärtlich druff:

„Ach liewer Mann, fiel‘ an Die‘ Kobb,

Du hoschd’n jo schunn uff.“

Doch wann’r um die Middernacht

im Dussel heeme wicht,

die Hausdeer find’t ‚r – ag sei‘ Bett,

do braucht’r nie e Licht.

Des geht so schdill, do sagtd’r nit:

„Die Mamme is draa schuld“,

die awwer duhd ale heert se nix,

sie hot halt viel Geduld!